Marka 3:24 - BIBELE Mahungu Lamanene

²⁴ Naswona, loko mfumo wu avana hi le xikarhi, mfumo lowu a wu koti ku tiya.

Testamente Leyimpsha Xichangana

²⁴ Nasvona, loko mfumu wuyavana hi le xikarhi, mfumu lowu awukoti kutiya.

Xitsonga (Bibele)

²⁴ Na kona loko ku fuma ku hambana hi le xikarhi, ku fuma loku ku nga ka ku nga tiyi.

Marka 3:24 Referans Kwoze

Zakariya 11:14

kutani ndzi tshova nhonga ya mina ya vumbirhi leyi vuriwaka “Vuxaka”, ndzi endlela ku onha xinakulobye exikarhi ka vanhu va le Yuda ni vanhu va le Israele.

Ezekiele 37:22

Vaisraele ndzi ta va endla rixaka rin'we, ndzi va tshamisisa etikweni ra vona ra tintshava; hinkwavo va ta fumiwa hi hosi yin'we, va nga ha avani va endla mimfumo mimbirhi.

2 SAMIELE 20:6

Kutani Davhida a ku ka Abixayi: “Swi vonaka onge Xeba ú ta hi karhata ku tlula Abixalomu. Teka malandza ya mina n'wini wa wena, u famba u n'wi lava, hikuva a nga kala a kuma miti ya makhokholo, kutani a hi vangela swo karhata.”

2 SAMIELE 20:1

A ku ri ni munhu wa ka Benjamini loyi a a nga pfuni nchumu, loyi a va ku i Xeba n'wana Bikri; o tshuka a humelela le Giligala, a chaya nanga, a ku: “Erixakeni ra Davhida, ku hava lexi nga xa hina. A hi na ndzhaka erixakeni ra n'wana Yese. Tlhelelani emakaya n'wina hinkwenu, vavanuna va Israele!”

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Matewu 12:25

Kambe Yesu, hi ku tiva miehleketo ya vona, a ku ka vona: “Mfumo wun'wana ni wun'wana lowu avanaka hi le xikarhi, wu hundzuka wa hava; muti wun'wana ni wun'wana, hambi wu ri ndyangu, lowu avanaka hi le xikarhi, a wu nga tiyi.

Marka 3:23

Kuteloko Yesu a va vitanile, a vulavula na vona hi swifaniso, a ku: “Xana Sathana a nga swi kotisa ku yini ku hlongola Sathana ke?

Marka 3:25

Ni loko ndyangu wu avene hi le xikarhi, ndyangu wolowo a wu nga tiyi.