Marka 2:27 - BIBELE Mahungu Lamanene

²⁷ Kutani a ku ka vona; “Savata ri endleriwe munhu, a hi munhu la nga endleriwa Savata.

Testamente Leyimpsha Xichangana

²⁷ Kutani aku ka vona: “Savata riyendleliwe munhu, ahi munhu lweyi angayendleliwa Savata.

Xitsonga (Bibele)

²⁷ Kutani a ku eka vona: “Savata yi endleriwe munhu, kasi munhu a nga endleriwanga Savata.

Marka 2:27 Referans Kwoze

Vakolosa 2:16

Hikokwalaho, munhu a nga tshuki a mi avanyisa emhakeni ya swakudya ni ya swakunwa, hambi ku ri emhakeni ya minkhuvo yo tsakela swin'wana, kumbe ya ku tsakela ku tshama ka n'weti, kumbe siku ra Savata:

Luka 6:9

Yesu a ku ka vona: “Ndza mi vutisa, xana leswi lulameke ku endliwa hi siku ra Savata hi swihi ke: Ku endla leswinene kumbe ku endla leswo biha, ku ponisa munhu kumbe ku n'wi lovisa xana?”

Duteronoma 5:14

Kambe siku ra vu-7 i siku ra ku wisa leri hlawuleriweke mina HOSI Xikwembu xa wena; hi siku leri, u nga tshuki u tirha ntirho ni wun'we, wena kumbe n'wana wa wena wa xinuna ni wa xisati, kumbe nandza wa wena wa xinuna ni wa xisati, hambi yi ri homu ya wena, kumbe mbhongolo ya wena, kumbe xifuwo xihi na xihi xa wena, kumbe munhu loyi a luveleke eka wena; hi ndlela leyi, na wona malandza ya wena ya xinuna ni ya xisati ma ta kuma ku wisa ku fana na wena.

Ezekiele 20:12

Ndzi va nyikile ni masiku ya Savata, leswaku ma va mfungho wa ntwanano wa mina na vona, va ta tiva leswaku loyi a va hlawulekisaka, hi mina HOSI.

Esaya 58:13

HOSI Xikwembu xi ri: “Mi nga rhendzeleki-rhendzeleki hi siku ra Savata, mi nga endli leswi mi swi rhandzaka esikweni ra mina lero hlawuleka; siku leri, mi fanele ku ri tsakela mi ri xixima, hikuva i siku ra mina lero hlawuleka; ri xiximeni, mi nga yi lomu mi ku tsakelaka, kumbe ku endla leswi mi swi rhandzaka, naswona mi nga vulavuli swo huma ndleleni hi siku leri.

Ezekiele 20:20

Ndzi va byele ni ku hlayisa masiku ya mina ya Savata leswaku wu va mfungho wa ntwanano wa mina na vona, va ta tiva leswaku mina HOSI ndzi Xikwembu xa vona.

Eksoda 23:12

“Mi ni masiku ya 6 lawa mi faneleke ku endla mintirho ya n'wina hinkwayo ha wona; kambe hi siku ra vu-7, mi wisa; tihomu ta n'wina ni timbhongolo ta n'wina ti ta wisa na tona; hambi va ri vana va mahlonga ya n'wina ya xisati, ni valuveri, va ta kuma ku hefemula na vona.

Yohane 7:23

Loko mi yimbisa munhu hi siku ra Savata, mi endlela ku hlayisa Nawu wa Muxe; kutani xana mi ndzi karihela yini, leswi mina ndzi nga hanyisa munhu emirini wa yena hinkwawo hi siku ra Savata xana?

2 Vakorinto 4:15

Hinkwaswo leswi swi endliwile hikwalaho ka n'wina, leswaku loko tintswalo ta Xikwembu ti ri karhi ti andza, ti andzisa ni ntsengo wa lava nga ta nkhensa va vuyelela, eku dzuniseni ka Xikwembu.

Duteronoma 5:12

“ ‘Hlayisa siku ra Savata, ri tshama ri hlawulekile, hilaha mina HOSI Xikwembu xa wena ndzi ku leriseke hakona.

Marka 2:28

Hikwalaho ke, N'wana-wa-Munhu i hosi ni ya siku ra Savata.”