Marka 16:20 - BIBELE Mahungu Lamanene

²⁰ Loko va ri vona, va suka va famba, va ya twarisa Evhangeli hinkwako, Hosi yi ri karhi yi tirhisana na vona, yi tiyisa marito ya vona hi mahlori lawa a ma humelela enkarhini wolowo.]

Testamente Leyimpsha Xichangana

²⁰ [Loko vali vona, vasuka vafamba, vayahuwelela Evhangeli hinkwaku, Hosi yilikarhi yitirhisana na vona, yitiyisa marito ya yona hi mahlori lawa amahumelela nkarhini wolowo.]

Xitsonga (Bibele)

²⁰ Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Marka 16:20 Referans Kwoze

Timhaka 14:3

Hambiswiritano, vaapostola va xwa kona masiku layo tala, va vulavula va nga chavi nchumu, va titshembele Hosi; yona a yi tiyisa mahungu ya tintswalo ta yona hi ku endla mahlori ni swihlamariso hi mavoko ya vona.

Vaheveru 2:4

Xikwembu na xona a xi ri karhi xi tiyisa vumbhoni bya kona hi ku endla swikombiso ni swihlamariso ni mahlori ya tinxaka-xaka, ni ku avela tinyiko ta Moya lowo Kwetsima hi ku rhandza ka xona.

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

Timhaka 5:12

A ku endliwa mahlori layo tala ni swihlamariso leswo tala hi mavoko ya vaapostola, exikarhi ka vanhu. Vadyondzisiwa hinkwavo a va tala ku hlengeletana erikupakupeni ra Solomoni, va ri mbilu yin'we.

Timhaka 4:30

tshambuluta voko ra wena ku horisa, u endla leswaku mahlori ni swihlamariso swi va kona hi vito ra Yesu, nandza wa wena la hlawulekeke.”

2 Vakorinto 6:1

Hina hi tirhisanaka ni Xikwembu, ha mi khongotela nakambe, hi ri: Leswi mi amukeleke tintswalo ta Xikwembu, mi nga ti tshiki ti wela hansi!

Marka 16:19

Kuteloko Hosi Yesu a vulavurile na vona, a tlakuriwa a ya etilweni, a ya tshama evokweni ra xinene ra Xikwembu.

Luka 1:1

Lavo tala va ringetile ku tsala marungulo ya timhaka leti humeleleke exikarhi ka hina;

Luka 1:2

va ti rungurile hilaha na hina hi nga ti twa hakona eka lava a va ri timbhoni ta tona ni malandza ya rito ra Xikwembu ka ha ri eku sunguleni;

Vaheveru 2:3

xana hina hi nga pona hi ndlela yihi, loko hi nyenya ku ponisiwa lokukulu ko tano xana? Hosi yi vurile ta ku ponisiwa loku, ka ha ri eku sunguleni, kutani ku tlhela ku tiyisiwa eka hina hi lava va tweke timhaka ta kona.