Marka 15:43 - BIBELE Mahungu Lamanene

⁴³ Hikokwalaho, nkulukumba un'wana wa huvo, loyi a va ku i Yosefa wa Arimatiya, munhu wo fundzheka loyi na yena a a langutela Mfumo wa Xikwembu, a ta eka Pilato a kanye mbilu, a kombela ntsumbu wa Yesu.

Testamente Leyimpsha Xichangana

⁴³ Hikolaho, nkulukumba mun'we wa huvu, lweyi avaku i Yosefa wa Arimateya, doda rochaviseka ngopfu ra huvu, lweyi na yena aalangutela Mfumu wa Xikwembu, ata ka Pilato na akanye mbilu, akombela ntsumbu wa Yesu.

Xitsonga (Bibele)

⁴³ ku ta Yosefa wa Arimatiya, wanuna wa huvo, la tlhariheke, loyi a languteleke ku fuma ka Xikwembu na yena; a kanya mbilu, a nghena eka Pilato, a kombela ntsumbu wa Yesu.

Marka 15:43 Referans Kwoze

Luka 2:38

A tshuka a fikile enkarhini wolowo, a nkhensa Xikwembu, a vula ta Yesu eka hinkwavo lava languteleke ku kutsuriwa ka Yerusalema.

Luka 2:25

Le Yerusalema a ku ri ni munhu la vuriwaka Simiyoni; munhu loyi a a lulamile, a chava Xikwembu; a a langutele ku chaveleriwa ka Israele. Moya lowo Kwetsima a wu ri ka yena.

Timhaka 17:12

Kutani lavo tala exikarhi ka vona va pfumela, naswona, exikarhi ka Vagriki, ku pfumela vavasati lava chavisekaka lavo tala, ni vavanuna lavo tala.

Yohane 19:38

Endzhaku ka sweswo, Yosefa wa Arimatiya a kombela eka Pilato mpfumelelo wa ku ya hawula ntsumbu wa Yesu. Yosefa loyi a a ri mudyondzisiwa wa Yesu, kambe exihundleni, hi ku chava Vayuda. Kutani Pilato a n'wi pfumelela. Hiloko a ya hawula ntsumbu wa Yesu.

Matewu 27:57

Kuteloko ri ya eku peleni, ku ta mufuwi un'wana wa le Arimatiya; vito ra yena a a ri Yosefa, kutani na yena a a ri mudyondzisiwa wa Yesu.

Vafilipiya 1:14

Ku bohiwa ka mina ekhotsweni ku endlile leswaku vamakwerhu lavo tala va veka ku tshemba ka vona eka Hosi, va engeta va kanya timbilu ku vula Rito va nga chavi nchumu.

Timhaka 13:50

Kambe Vayuda va hlohlotela vavasati lavo chaviseka va vukhongeri, ni vakulukumba va muti; va sungula ku xanisa Pawulo na Barnaba, kutani va va hlongola etikweni ra vona.

Marka 14:54

Petro na yena a n'wi landza hi le kule, a nghena exivaveni xa Muprista lonkulu, a tshamisa ni malandza, a orha ndzilo.

Matewu 20:16

Yesu a engeta a ku: “Hi mukhuva wolowo, va le ndzhaku va ta va va le mahlweni, ni va le mahlweni va ta va va le ndzhaku.”

Matewu 19:30

Vanyingi lava nga va le mahlweni va ta va va le ndzhaku, ni va le ndzhaku va ta va va le mahlweni.

Marka 15:44

Pilato a hlamala ku twa leswaku Yesu nakhale ú file. Hiloko a vitana ndhuna ya dzana ra masocha, a yi vutisa a ku: “I khale a file xana?”

Luka 23:50

A ku ri ni wanuna la vuriwaka Yosefa; a a ri munhu lonene wo lulama, a langutela Mfumo wa Xikwembu. A a ri xirho xa huvo ya Vayuda, kambe loko va kanela ni ku tsema mhaka ya Yesu, a a nga twanananga na vona.