Marka 14:69 - BIBELE Mahungu Lamanene

⁶⁹ Nandza loyi wa wanhwana, loko a n'wi vona, a engeta a byela lava a va ri kwalaho, a ku: “Loyi, hi un'wana wa vona.”

Testamente Leyimpsha Xichangana

⁶⁹ Mutirhi lwiya waxisati, loko amuvona, atlhela abzela lava avali kolaho, aku: “Lweyi, i mun'we wa vona.”

Xitsonga (Bibele)

⁶⁹ Kutani nandza loyi, loko a tlhela a n'wi vona, a sungula ku vulavula ni lava nga yima kwalaho, a ku: “Loyi, i wa vona.” Yena a engeta a landzula.

Marka 14:69 Referans Kwoze

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Yohane 18:25

Simoni Petro a a yimile a ri karhi a tinyawusa. Va ku ka yena: “Xana na wena a wu un'wana wa vadyondzisiwa va yena ke?” Yena a kaneta, a ku: “A ndzi yena!”

Yohane 18:17

Kutani nandza loyi wa xisati a ku ka Petro: “Xana a wu mudyondzisiwa wa munhu loyi ke?” A ku: “A ndzi yena.”

Luka 22:58

Endzhakunyana un'wana a n'wi vona, a ku: “Na wena, u wa vona.” Kambe Petro a ku: “Munhu ndziwena, a ndzi wa vona mina!”

Marka 14:38

Hitekani mi khongela, leswaku mi nga ngheni emiringweni hikuva moya wa swi lava, kambe nyama yi tsanile.”

Marka 14:68

Kambe Petro a kaneta, a ku: “Leswi u swi vulaka, a ndzi swi tivi; ni ku swi twisisa a ndzi swi twisisi.” Kutani a huma, a ya yima ehandle kusuhi ni nyangwa. [Kavaloko nkuku wu ringa.]

Marka 14:70

Kambe Petro a tlhela a kaneta. Endzhakunyana, lava a va ri kwalaho, va engeta va ku ka Petro: “U un'wana wa vona hakunene, hikuva u Mugaleliya na wena.”