Marka 14:21 - BIBELE Mahungu Lamanene

²¹ Loko a ri N'wana-wa-Munhu, ú ta tifambela hilaha ku tsariweke hakona ehenhla ka yena; kambe ú ni khombo munhu loyi N'wana-wa-Munhu a xengiwaka ha yena! A swi ta antswa eka munhu loyi loko onge a nga velekiwanga.”

Testamente Leyimpsha Xichangana

²¹ Loko ali N'wana-wa-Munhu, atatifambela hilaha kutsaliweke hakona mayelanu na yena; kambe a ni khombo munhu lweyi N'wana-wa-Munhu axengiwaka ha yena! Asvitayampsa ka munhu yelweyo loko angapsaliwanga.”

Xitsonga (Bibele)

²¹ Loko a ri N'wana wa Munhu, u tifambela hilaha ku tsariweke hakona ehenhla ka yena; kambe u ni khombo munhu loyi N'wana wa munhu a xengiwaka hi yena! A swi ta va swinene eka munhu yeloyi loko a nga velekiwanga.”

Marka 14:21 Referans Kwoze

Yohane 19:28

Yesu, hi ku tiva leswaku swilo hinkwaswo swi hetisekile, a ku: “Ndzi ni torha”, ku ri ku hetisa Matsalwa.

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Timhaka 4:27

“Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Timhaka 1:25

leswaku a teka ndhawu ya Yudasi, entirhweni wa vuapostola lowu a wu tshikeke ku ya lomu a nga ya kona.”

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Matewu 26:54

Kambe loko swi nga va tano, Matsalwa ma ta endlekisa ku yini, leswi ma vulaka leswaku swi fanekele ku famba hi ndlela yoleyo ke?”

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Esaya 52:14

Vanhu vo tala va tsemekile nhlana loko va n'wi vona, hikuva nghohe ya yena a yi nga languteki; a a nga fani na vanhu van'wana.

Pisalema 55:15

Rifu a ri va khubumete, a va rhelele va ya exivandleni xa vafi va ri karhi va hanya, hikuva leswo homboloka swi tele emitini ya vona ni le timbilwini ta vona.

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Luka 22:22

Loko a ri N'wana-wa-Munhu, ú ta tifambela hilaha swi bohiweke hakona; kambe, ú ni khombo munhu loyi a n'wi xengaka.”

Marka 14:49

Masiku hinkwawo a ndzi ri na n'wina ndzi ri karhi ndzi dyondzisa eTempeleni, kutani a mi ndzi khomanga; kambe Matsalwa ma fanele ku hetiseka!”

Marka 14:20

A hlamula a ku: “I un'wana wa n'wina lava khume na vambirhi, la phemaka na mina enkambaneni.

Marka 14:22

Loko va ha ri eku dyeni, a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani; leswi i miri wa mina.”