Marka 14:18 - BIBELE Mahungu Lamanene

¹⁸ Kuteloko va tshamile, va ri karhi va dya, Yesu a ku: “Ndzi tiyisile ndzi ri ka n'wina: Un'wana wa n'wina ú ta ndzi xenga ... la dyaka na mina.”

Testamente Leyimpsha Xichangana

¹⁸ Kuteloko vatshamile, vali karhi vaja, Yesu aku: “Nitiyisile nili ka n'wina: Mun'we wa n'wina lweyi ajaka na mina atanixenga.”

Xitsonga (Bibele)

¹⁸ Kuteloko va tshamile va ri karhi va dya, Yesu a ku: “Ndzi tiyisile ndzi ri eka n'wina: Un'wana wa n'wina a nga loyi a dyaka na mina, u ta ndzi xenga.”

Marka 14:18 Referans Kwoze

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina lava khume na vambirhi? Kasi un'wana wa n'wina i nala!”

Yohane 6:47

“Ndzi tiyisisile ndzi ri ka n'wina, loyi a pfumelaka, ú ni vutomi lebyi nga heriki.

Yohane 13:38

Yesu a n'wi hlamula, a ku: “Xana u nga nyiketa vutomi bya wena hikwalaho ka mina xana? Ndzi tiyisisile ndzi ri ka wena: Nkuku wu nga si ringa, u ta va u ndzi landzurile kanharhu.”

Yohane 13:21

Loko Yesu a vurile timhaka teto, a karhateka emoyeni, kutani a boxa, a ku: “Ndzi tiyisisile, ndzi ri ka n'wina: Un'wana wa n'wina ú ta ndzi xenga.”

Yohane 6:32

Yesu a ku ka vona: “Ndzi tiyisisile ndzi ri ka n'wina, a a nga ri Muxe la mi nyikeke vuswa lebyi humaka etilweni, kambe Tata wa mina hi yena la mi nyikaka vuswa bya xiviri lebyi humaka etilweni.

Yohane 6:26

Yesu a va hlamula, a ku: “Ndzi tiyisisile ndzi ri ka n'wina, ma ndzi lava, ku nga ri hileswi mi nga vona mahlori, kambe hileswi mi nga dya swinkwa mi xurha.

Yohane 5:19

Kutani Yesu a ku ka vona: “Ndzi tiyisisile ndzi ri ka n'wina, N'wana a nga ka a nga tisunguleli a endla xilo hi yexe; ú endla ntsena lexi a xi voneke xi endliwa hi Tata wa yena; hinkwaswo leswi Tatana a swi endlaka, na yena N'wana wa swi endla.

Yohane 3:11

Ndzi tiyisisile ndzi ri ka wena, hi vulavula hi leswi hi swi tivaka, naswona hi veka vumbhoni bya leswi hi swi voneke; kambe a mi amukeri vumbhoni bya hina.

Yohane 3:5

Yesu a hlamula, a ku: “Ndzi tiyisisile ndzi ri ka wena, loko munhu a nga tswariwi hi mati ni Moya, a nga ka a nga ngheni eMfun'weni wa Xikwembu.

Yohane 3:3

Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Yohane 1:51

A engeta a ku ka yena: “Ndzi tiyisisile ndzi ri ka n'wina: Mi ta vona tilo ri pfulekile, ni tintsumi ta Xikwembu ti ri karhi ti tlhandlukela ehenhla ni ku xikela eka N'wana-wa-Munhu.”

Luka 11:51

ku sungula hi ngati ya Abele, ku hetelela hi ngati ya Zakariya, la nga dlayiwa exikarhi ka alitari ni Tempele. Ina, ndza mi byela ndzi ri: Yi ta laviwa eka rixaka leri.

Luka 4:24

Yesu a engeta a ku: “Ndza mi byela leswaku a ku na muprofeta loyi a amukeriwaka etikweni ra rikwavo.

Marka 14:25

Ndzi tiyisile ndzi ri ka n'wina, a ndzi nga ha nwi kambe swa mihandzu ya vhinya, ku ko ku fika siku leri ndzi nga ta swi nwa swi ri leswintshwa eMfun'weni wa Xikwembu.”

Marka 14:9

Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a nga swi endla swi ta vuriwa na swona, a anakanyiwa ha swona.”

Marka 10:29

Yesu a ku: “Ndzi tiyisile ndzi ri ka n'wina: Un'wana ni un'wana la tshikeke muti wa yena, kumbe makwavo wa xinuna kumbe wa xisati, kumbe mana wa yena, kumbe tata wa yena, kumbe vana, kumbe masimu, hikwalaho ka mina ni hikwalaho ka Evhangeli,

Marka 10:15

Ndzi tiyisile ndzi ri ka n'wina: La nga amukeriki Mfumo wa Xikwembu tanihi n'wana, a nga ka a nga ngheni ka wona.”

Marka 9:41

Ndzi tiyisile ndzi ri ka n'wina, munhu loyi a mi nyikaka ndzheko wa mati hi leswi mi vuriwaka va ka Kriste, a nga ka a nga pfumali hakelo ya yena.

Marka 9:1

A engeta a ku ka vona: “Ndzi tiyisile ndzi ri ka n'wina, exikarhi ka lava nga kwala, ku ni van'wana lava nga ta ka va nga khumbiwi hi rifu, va nga si vona Mfumo wa Xikwembu wu ta hi matimba.”

Marka 8:12

Yesu a hefemuteka ngopfu emoyeni wa yena a ku: “Rixaka leri ri kombelela yini mahlori? Ndzi tiyisile ndzi ri ka n'wina: Rixaka leri a ri nga kombiwi mahlori!”

Marka 6:11

Hinkwako laha va alaka ku mi amukela ni ku mi yingisa, phumunhani ntshuri ehansi ka minkondzo ya n'wina loko mi huma, swi ta va vumbhoni eka vona.”

Marka 3:28

“Ndzi tiyisile ndzi ri ka n'wina: Loko vanhu va dyohela Xikwembu kumbe loko va xi sandza, va nga rivaleriwa;

Matewu 26:21

Va ku va ha dya, a ku ka vona: “Ndzi tiyisile ndzi ri ka n'wina: Un'wana wa n'wina ú ta ndzi xenga.”

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Yohane 21:18

Ndzi tiyisisile ndzi ri ka wena: Enkarhini lowu a wa ha ri lontshwa, a wu tiboha hi wexe hi vamba ra wena, u ya lomu u lavaka ku ya kona; kambe loko u ta va u dyuharile, u ta tshambuluta mavoko ya wena, kutani un'wana ú ta ku boha, a ku yisa lomu u nga laviki ku ya kona.”

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Marka 14:17

Loko dyambu ri perile, Yesu a fika ni lava khume na vambirhi.

Marka 14:19

Kutani va sungula ku khomiwa hi gome, va n'wi vutisa ha un'we-un'we va ku: “A ndzi ri, a wu vuli mina?”

Luka 22:21

Kambe vonani, loyi a ndzi xengaka ú le ku dyeni na mina sweswi.

Yohane 13:18

“A ndzi vulavuli ndzi katsa n'wina hinkwenu; ndzi tiva lava ndzi va hlawuleke; kambe Tsalwa ri fanele ku hetiseka, leri nge: ‘Loyi a dyaka vuswa bya mina, ú ndzi hundzukele, a ndzi khadlanya.’

Yohane 13:22

Vadyondzisiwa va langutana, va kanakana, hikuva a va nga tivi leswaku ú vula mani.