Marka 13:36 - BIBELE Mahungu Lamanene

³⁶ loko a fika hi xitshuketa, a nga mi kumi mi etlele.

Testamente Leyimpsha Xichangana

³⁶ lesvaku loko afika hi xitshuketa, angatamikuma na miyetlele.

Xitsonga (Bibele)

³⁶ hikuva loko a fika hi ku mi tshuketa, a nga tshuki a mi kuma mi etlele.

Marka 13:36 Referans Kwoze

Marka 14:40

Kuteloko a tlhelele ka vona, a va kuma va etlele, hikuva mahlo ya vona a ma tika, naswona a va nga tivi leswaku va nga n'wi hlamula yini.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Matewu 25:5

Hi ku hlwela ka muteki, va khudzehela hinkwavo, va etlela.

Marka 14:37

Kutani a tlhelela ka vona, a va kuma va etlele; a ku ka Petro: “Simoni, wa etlela xana? U tsandzekile ku hiteka hambi yi ri awara yin'we ntsena xana?

Esaya 56:10

Valanguteri va tiko va fe mahlo, hinkwavo a va twisisi nchumu, va fana ni timbyana to rhula leti nga vukuriki; va tsakela ngopfu vurhongo, va tshama va etlele, minkarhi hinkwayo va le ku lorheni.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Luka 22:45

Loko a hetile ku khongela, a suka a yima, a ta eka vadyondzisiwa, a va kuma va etlele hikwalaho ka gome.

Risimu ra Tinsimu 5:2

A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Risimu ra Tinsimu 3:1

Nivusiku loko ndzi etlele, ndzi n'wi vitanile murhandziwa wa mbilu yanga, ndzi n'wi lavile, kambe a ndzi n'wi kumanga. [Ndzi vitanile, kambe a nga pfumelanga.]