Marka 13:27 - BIBELE Mahungu Lamanene

²⁷ Kutani ú ta rhuma tintsumi ta yena ku ta hlengeleta vahlawuriwa va yena; va ta huma ematlhelweni ya mune ya misava, ku sukela emakun'wini ya yona ku yisa emakun'wini ya tilo.

Testamente Leyimpsha Xichangana

²⁷ Kutani atarhuma tintsumi ta yena kutahlengeleta vahlawuliwa va yena; vatahuma ka mimoya ya mune wa matlhelo ya misava, kusukela magemetamusi ya misava kuyafika magemetamusi ya tilo.

Xitsonga (Bibele)

²⁷ U ta rhuma tintsumi ta yena, u ta hlengeleta vahlawuriwa va yena emimoyeni ya mune, ku sungula eku heteleleni ka misava, ku yisa emakun'wini ya tilo.

Marka 13:27 Referans Kwoze

Zakariya 2:6

HOSI Xikwembu xi vurisa sweswo xi ri: “Pfukani! Pfukani! Humani ematikweni ya le n'walungwini hi ku tsutsuma; hambileswi a ndzi mi hangalaserile ematlhelweni hinkwawo ya misava, vuyani! Ndzi vurisa sweswo mina HOSI.

Matewu 24:31

Hi mpfumawulo lowukulu wa mhalamhala, ú ta rhuma tintsumi ta yena; ti ta hlengeleta vahlawuriwa va yena, va huma ematlhelweni ya mune ya misava, ku sungula emakun'wini man'wana ya tilo ku ya fika eka laman'wanyana.

Duteronoma 30:4

Hambiloko mi yisiwile emakun'wini ya misava, HOSI Xikwembu xa n'wina xi ta ya mi teka, xi mi hlengeleta,

2 Vatesalonika 2:1

Loko ti ri ta ku ta ka Hosi ya hina Yesu Kriste, ni ta ku hlengeletana ka hina, hi ya eka yena, ha mi kombela hi matimba vamakwerhu:

Luka 16:22

Siku rin'wana xisiwana lexi xi fa, kutani tintsumi ti xi rhwala ti xi yisa exifuveni xa Abrahama. Mufuwi na yena a fa, a lahliwa esirheni.

Marka 13:20

Loko Hosi a yi nga hungutanga masiku walawo, a ku nga ta pona munhu ni un'we; kambe yi ma hungutile hikwalaho ka vahlawuriwa va yona.

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

1 Petro 1:2

va nga lava hlawuriweke khale hi makungu ya Xikwembu Tatana, va hlawulekisiwa hi Moya leswaku va yingisa Yesu Kriste ni ku xuviwa hi ngati ya yena, ndzi ri: Tintswalo ni ku rhula a swi ve na n'wina swi mi talela.

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Varhoma 8:33

I mani loyi a nga mangalelaka lava Xikwembu xi va hlawuleke xana? Xikwembu hi xona lexi xi va khanisaka. I mani loyi a nga va vekaka nandzu xana?

Yohane 11:52

naswona ku nga ri ntsena ku fela rixaka, kambe ku ri ku hlengeleta vanhu va Xikwembu lava hangalakeke, a va endla van'we.

Yohane 10:16

Naswona ndzi ni tinyimpfu tin'wana leti nga riki ta tshanga leri; na tona ndzi fanele ku ti vuyisa; ti ta yingisa rito ra mina, kutani ti ta endla ntlhambi wun'we, ti va ni murisi un'we.

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Matewu 24:22

Loko masiku walawo a ma nga hungutiwanga, a ku nga ta pona munhu, kambe hikwalaho ka vahlawuriwa va Xikwembu, masiku ya kona ma ta hungutiwa.

Matewu 13:49

Swi ta va tano eku heleni ka minkarhi; tintsumi ti ta huma, ti ta hlawula lavo biha eka lavo lulama,

Matewu 12:42

Hi siku ra ku avanyisiwa, hosi ya wansati ya le dzongeni yi ta pfuka eku feni swin'we ni rixaka leri, yi ri avanyisa, hikuva yi sukile emakun'wini ya misava ku ta yingisa vutlhari bya Solomoni, kutani maswivo, leswi nga kwala i swikulu ku tlula Solomoni.

Esaya 65:9

Va ka Yakobo, ndzi ta va nyika vatukulu; ndzi vula vona va ka Yuda: Va ta tshama etintshaveni ta mina, ti va ta vona; vona vahlawuriwa va mina, va ta nyikiwa tona ti va ta vona, va ta aka eka tona, hikuva i malandza ya mina.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Marka 13:28

“Dyondzani leswi hi murhi wa nkuwa: Loko marhavi ya wona ma sungula ku olova ni loko matluka ya wona ma hluka, mi tiva leswaku ximumu xi le kusuhi.