Marka 13:23 - BIBELE Mahungu Lamanene

²³ Loko mi ri n'wina, tlharihani! Ndzi mi byerile hinkwaswo swi nga si humelela.

Testamente Leyimpsha Xichangana

²³ Kambe loko kuli n'wina, tlharihani! Nimibzelile hinkwasvu svingasina humelela.

Xitsonga (Bibele)

²³ Loko mi ri n'wina tilanguteleni; vonani, ndzi mi byerile hinkwaswo eku sunguleni.

Marka 13:23 Referans Kwoze

2 Petro 3:17

Hikokwalaho n'wina varhandziwa, leswi mi tivaka mhaka leyi hi nkarhi, tivoneleni, hikuva mi nga tshuka mi humile endleleni hi ku yengiwa hi lavo homboloka, kutani mi lahlekeriwa hi ku tiya ka n'wina.

Yohane 14:29

Nasweswi, ndzi mi byerile swilo leswi, swi nga si humelela, leswaku loko swi humelela, mi ta kota ku pfumela.

Luka 21:8

Kutani Yesu a ku: “Tivoneleni leswaku mi nga xisiwi, hikuva lavo tala va ta ta hi vito ra mina, un'wana ni un'wana a ku: ‘Mina ndzi yena’, ni leswaku ‘nkarhi wu fikile’! Mi nga va landzi!

Marka 13:5

Hiloko Yesu a sungula ku va dyondzisa a ku: “Tivoneleni leswaku mi nga tshuki mi xisiwa hi munhu.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Marka 13:33

Tlharihani mi hiteka, hikuva a mi tivi leswaku nkarhi wu ta va rini.

Marka 13:9

“Loko mi ri n'wina, tivoneleni; va ta mi nyiketa etihubyeni; mi ta biwa emasinagogeni, mi ta yimisiwa emahlweni ka tindhuna ni tihosi hikwalaho ka mina, mi va timbhoni eka tona.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Matewu 24:25

Maswivo, ndzi mi byerile timhaka leti, ti nga si humelela;

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Marka 13:24

“Eminkarhini yoleyo, endzhaku ka nhlomulo wolowo, “ ‘dyambu ri ta hundzuka ntima, ni n'weti a wu nga ha voningi;