Marka 12:37 - BIBELE Mahungu Lamanene

³⁷ “Kutani loko Davhida a vula Mesiya a ku i N'wini wa yena, xana a nga va n'wana wa yena hi ndlela yihi ke?” Ntshungu lowukulu a wu n'wi yingisa hi ku tsaka.

Testamente Leyimpsha Xichangana

³⁷ “Kutani loko Davhida avula Mesiya aku i N'winyi wa yena, xana angava n'wana wa yena hi ndlela yihi ke?” Kutani xitshungu lexikulu aximuyingisa hi kutsaka.

Xitsonga (Bibele)

³⁷ Xana loko yena Davhida a n'wi vula hosi, a nga va n'wana wa yena hi mukhuva wihi xana?” Kutani ntshungu lowunyingi a wu n'wi yingisa hi ku tsaka.

Marka 12:37 Referans Kwoze

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Varhoma 9:5

Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Yohane 12:9

Ntshungu lowukulu wa Vayuda wu twa leswaku Yesu ú kona kwalaho, kutani va ta, ku nga ri ku ta vona Yesu ntsena, kambe ku vona na yena Lazaro, loyi Yesu a n'wi pfuxeke eku feni.

Luka 21:38

Loko ri xa, tiko hinkwaro a ri vindzuka ri ta ka yena eTempeleni ku ta n'wi yingisa.

Luka 19:48

Ntsena a va nga tivi lexi va nga ta xi endla, hikuva vanhu a va n'wi yingisa, va tsakela ngopfu marito ya yena.

Matewu 21:46

kutani va lava ku n'wi khoma, kambe va chava mintshungu, hikuva a yi ku: “I muprofeta!”

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Matewu 1:23

“Maswivo, wanhwana ú ta tika, a veleka n'wana wa mufana; va ta n'wi thya vito ra ‘Emanuwele’ (hileswaku: ‘Xikwembu xi na hina’).”

Matewu 21:45

Loko vaprista lavakulu ni Vafarisi va twa swifaniso leswi swa Yesu, va tiva leswaku ú vula vona;