Marka 11:14 - BIBELE Mahungu Lamanene

¹⁴ Kutani a ku ka murhi lowu: “A ku nga ha vi na munhu la nga ta dya mihandzu ya wena ni siku ni rin'we!” Vadyondzisiwa va yena a va ri karhi va swi twa.

Testamente Leyimpsha Xichangana

¹⁴ Kutani aku ka nsinya lowu: “Akungahavi na munhu lweyi angataja mihandzu ya wena ni siku ni rin'we!” Vajondzisiwa va yena avali karhi vasvitwa.

Xitsonga (Bibele)

¹⁴ Kutani Yesu a ku eka wona: “Ku sungula sweswi, a ku nga ha vi na munhu la nga ta dya mihandzu ya wena hi laha ku nga heriki!” Vadyondzisiwa va yena a va ri karhi va swi twa.

Marka 11:14 Referans Kwoze

Matewu 21:19

kutani a vona nkuwa kusuhi ni ndlela; a hambuka a ya eka wona, kambe a nga kumanga nchumu eka wona loko ma nga ri matluka ntsena; hiloko a ku ka murhi lowu: “A ku nga ha kumeki mihandzu eka wena ni siku ni rin'we!” Hi nomu lo nkuwa wu oma.

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

Matewu 7:19

Murhi wun'wana ni wun'wana lowu nga tswariki mihandzu leyo nandziha, wu tsemiwa, wu hoxiwa endzilweni.

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Nhlavutelo 22:11

Loyi a endlaka leswo biha a a ye emahlweni a endla leswo biha, wa thyaka a a ye emahlweni na rona, loyi a lulameke, a a ye emahlweni a endla leswo lulama, ni loyi a hlawulekeke a a ye emahlweni a hlawuleka.”

Matewu 21:44

“[Loyi a nga ta wela ehenhla ka ribye rero ú ta phyandleka; naswona ri ta phyandlasa loyi ri nga ta n'wi wela henhla.]”

2 Petro 2:20

Hikuva, loko vanhu va pona thyaka ra misava hi ku tiva Hosi ya hina ni Muponisi Yesu Kriste, kutani va tlhela va phasiwa ni ku hluriwa hi swona, xiyimo xa vona xo hetelela xi bihile ku tlula lexo sungula.

Matewu 21:33

“Yingisani xifaniso xin'wana: A ku ri ni nkulukumba un'wana loyi a a byarile mirhi ya vhinya ensin'wini ya yena; a biyela hi rihlampfu, a cela xikamelo xo pyanyela kona mihandzu, a aka ni xihondzo; kutani a lerisa vatirhi ku sala va swi vona, yena a teka riendzo a famba.

Marka 11:13

Kutani a vona nkuwa lowu nga ni matluka a ha ri kulenyana; a hambuka ku ya kamba loko kumbexana a nga kuma xa nchumu eka wona, kambe loko a fika kona, a nga kumanga nchumu, loko ma nga ri matluka ntsena, hikuva a wu nga ri nkarhi wa makuwa.

Marka 11:15

Kutani va fika eYerusalema. Kuteloko a nghenile exivaveni xa Tempele, a hlongola lava xavisaka ni lava xavaka kona, a wisetela matafula ya lava bindzurisaka mali, ni switshamu swa lava xavisaka matuva.