Marka 10:52 - BIBELE Mahungu Lamanene

⁵² Yesu a ku ka yena: “Famba, ku pfumela ka wena ku ku hanyisile.” Hi nomu lo a tlhela a vona, kutani a landza Yesu.

Testamente Leyimpsha Xichangana

⁵² Yesu aku ka yena: “Famba, kupfumela ka wena kukuhanyisile.” Hi nomo-lo atlhela avona, kutani alandza Yesu.

Xitsonga (Bibele)

⁵² Yesu a ku eka yena: “Suka, u famba, ku pfumela ka wena ku ku hanyisile.” Kutani a vona kan'we, a vuya a landza Yesu endleleni.

Marka 10:52 Referans Kwoze

Matewu 9:22

Yesu a hundzuluka, kutani loko a n'wi vona, a ku ka yena: “Tiyisa mbilu n'wananga, ku pfumela ka wena ku ku hanyisile.” Ku sukela enkarhini wolowo, wansati loyi a va la hanyeke.

Luka 7:50

Hiloko a ku eka wansati: “Ku pfumela ka wena ku ku ponisile, famba hi ku rhula.”

Marka 8:25

Yesu a tlhela a veka mavoko ya yena ematihlweni ya lowo-fe-mahlo, yena a honoka kutani a hanyisiwa, a vona swilo hinkwaswo swinene.

Marka 5:34

Yesu a ku ka yena: “N'wananga, ku pfumela ka wena ku ku hanyisile, famba hi ku rhula, ntshunxeka enhlomulweni wa wena.”

Yohane 9:32

A hi si swi twa ni siku ni rin'we, leswaku munhu la velekiweke a nga voni, a nga va a horisiwe mahlo hi munhu un'wana.

Matewu 15:28

Kwalaho Yesu a hlamula, a ku ka yena: “Manana, ku pfumela ka wena i kukulu; a ku endliwe hilaha u kombelaka hakona!” Kutani n'wana wa yena a hanyisiwa hi nkarhi wolowo.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Marka 1:31

Hiloko a tshinela, a n'wi khoma hi voko, a n'wi pfuxa; hi nomu lo ku hisa ka miri wa yena ku suka, kutani a va tirhela.

Matewu 21:14

Lavo-fe-mahlo ni lavo khwita va ta ka Yesu eTempeleni, kutani a va hanyisa.

Matewu 12:22

Kavaloko va tisa munhu wa mademona la feke mahlo, naswona a ri mbheveve. Yesu a n'wi hanyisa, kutani lowa mbheveve a vulavula, na ku vona a vona.

Yohane 9:39

Yesu a ku: “Ndzi tile emisaveni leyi ku ta avanyisa vanhu, leswaku lava nga voniki va kota ku vona, ni leswaku lava vonaka va hundzuka lavo-fe-mahlo.”

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Esaya 35:5

Enkarhini wolowo, mahlo ya lava nga voniki ma ta pfuleka, ni lava nga twiki va ta pfuleka tindleve,

Pisalema 146:8

HOSI Xikwembu xi pfula mahlo ya lava nga voniki, lava tshikeleriwaka xa va kutsula, xi rhandza vanhu lava lulameke.

Pisalema 33:9

hikuva xi vulavurile, kutani swilo swi va kona; xi lo lerisa kunene, kutani swi humelela.

Luka 9:48

“Un'wana ni un'wana la amukelaka n'wana loyi hi vito ra mina, wa ndzi amukela, kutani un'wana ni un'wana la ndzi amukelaka, ú amukela ni loyi a ndzi rhumeke. Hikuva la nga lontsongo exikarhi ka n'wina hinkwenu, hi yena loyi a nga lonkulu.”

Matewu 8:3

Yesu a tshambuluta voko, a n'wi khumba, a ku: “Ndza swi rhandza, hlantsweka u basa!” Hi nomu lo, a basisiwa enhlokonhweni ya yena.