Marka 10:30 - BIBELE Mahungu Lamanene

³⁰ ú ta nyikiwa swilo leswi ka dzana eminkarhini ya sweswi: hi leswaku tindlu, ni vamakwavo, ni vamanana, ni vana, ni masimu, swin'we ni ku xaniseka; kutani eminkarhini leyi taka, ú ta nyikiwa vutomi lebyi nga heriki.

Testamente Leyimpsha Xichangana

³⁰ atanyikiwa svilo lesvi, ka dzana (100) minkarhini ya svosvi: Hi lesvaku tiyindlo, ni vamakwavu, ni vamamana ni vana ni masimu, svin'we ni kuxaniseka; kutani minkarhini leyitaka, atanyikiwa vutomi lebzingaheliki.

Xitsonga (Bibele)

³⁰ emikarhini leyi, u ta nyikiwa ka dzana, tindlu, ni vamakwavo, ni vamanana, ni vana, ni masimu, swin'we ni ku xaniseka, kutani emikarhini leyi nga ta ta, u ta nyikiwa vutomi le byi nga heriki.

Marka 10:30 Referans Kwoze

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Luka 18:30

ú ta kuma leswo tala ku tlula sweswo eminkarhini ya sweswi, kutani eminkarhini leyi taka, ú ta kuma vutomi lebyi nga heriki.”

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Yakobo 5:11

Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Swivuriso 16:16

Ku kuma vutlhari, swi tlula ku kuma nsuku, ku hlawula ku twisisa, swi tlula ku hlawula silivhere.

Nhlavutelo 3:18

Loko swi ri tano, ndza ku tsundzuxa leswaku u xava eka mina nsuku lowu sasekisiweke hi ndzilo, u va xifumi; u ta xava ni tinguvu leto basa u ti ambala, u funengeta tingana ta vusweti bya wena leswaku byi nga vonaki; xava ni mafurha yo tota mahlo ya wena leswaku u ta kota ku vona.

1 Timotiya 6:6

Hakunene vukhongeri lebyi nga ni ku tsaka ka mbilu i rifuwo lerikulu.

Timhaka 5:41

Loko va ri vona, va huma ehubyeni va tsakile, hikuva a va kumiwile va ri lava fanelaka ku soriwa hikwalaho ka vito ra Yesu.

2 TIKRONIKA 25:9

Kutani Amasiya a vutisa muprofeta a ku: “Xana silivhere ya 4 000 kg leyi ndzi yi humeseke ku thola mavuthu ya Israele, ndza ha ta tlhela ndzi yi kuma xana?” Muprofeta a hlamula a ku: “HOSI Xikwembu xi nga ku nyika silivhere yo tala ku tlula yeleyo!”

1 Yohane 3:1

Ma nga vona rirhandzu lerikulu leri Tatana a hi rhandzaka ha rona, ku fika laha hi vuriwaka vana va Xikwembu; nisweswi, hi vona. Lexi endlaka leswaku misava yi nga hi tivi, i mhaka ya leswi yi nga n'wi tivangiki.

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Varhoma 5:3

Ku nga ri sweswo ntsena, kambe hi tidzunisa ni le maxangwini ya hina, hi ku tiva leswaku maxangu ma tswala ku tiyisela,

Timhaka 16:25

Exikarhi ka vusiku, Pawulo na Silasi a va khongela, va dzunisa Xikwembu hi ku yimbelela tinsimu, kutani vabohiwa lavan'wana va va yingisa.

Yohane 10:23

kutani Yesu a a famba-famba eTempeleni, erikupakupeni ra Solomoni.

Matewu 12:32

un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Nhlavutelo 2:9

Ndzi tiva maxangu ya wena ni vusiwana bya wena (kambe u xifumi), ndzi tiva ni ku sandziwa ka wena hi lava va tivulaka Vayuda, kasi a hi vona, kambe i va Sinagoga ra Sathana.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

1 Yohane 2:25

Kutani leswi a nga hi tshembisa swona, i vutomi lebyi nga heriki.

Matewu 13:8

Kasi tin'wana tona ti wela emisaveni leyinene, ti veka tindzhoho, yin'wana yi chela 100, yin'wana 60, yin'wana 30.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.