Marka 10:27 - BIBELE Mahungu Lamanene

²⁷ Yesu a va languta a ku: “Loko va ri vanhu swa va tsandza, kambe a swi tsandzi Xikwembu, hikuva Xikwembu xi kota hinkwaswo.”

Testamente Leyimpsha Xichangana

²⁷ Yesu avalanguta aku: “Loko vali vanhu svavatsandza, kambe asvitsandzi Xikwembu, hikuva Xikwembu xikota hinkwasvu.”

Xitsonga (Bibele)

²⁷ Kutani Yesu a va languta, a ku: “Vona vanhu swi ngi va tsandza, kambe a swi tsandzi Xikwembu, hikuva Xikwembu a xi hluriwi hi nchumu.”

Marka 10:27 Referans Kwoze

Matewu 19:26

Yesu a va langutisisa, a ku: “Loko va ri vanhu, leswi swa va tsandza, kambe Xikwembu xona a xi tsandzi hi nchumu.”

Yeremiya 32:27

“Mina HOSI, ndzi Xikwembu xa swilo hinkwaswo leswi hanyaka, a ndzi tsandziwi hi nchumu.

Ntirho 42:2

“We Xikwembu, ndza swi tiva, a wu tsandziwi hi nchumu, leswi u swi boheke, a swi kanetiwi.

Yeremiya 32:17

‘We HOSI N'wini wanga, u tumbuluxile matilo ni misava hi ntamu lowukulu ni mintirho ya wena ya matimba. A wu tsandziwi hi nchumu!

Luka 1:37

hikuva a ku na xilo na xin'we lexi hlulaka Xikwembu.”

Luka 18:27

Yesu a ku: “Leswi tsandzaka vanhu a swi tsandzi Xikwembu.”

Vaheveru 11:19

Ú ehleketile leswaku Xikwembu xa swi kota ni ku pfuxa vanhu eku feni; hikokwalaho, hi nga vula leswaku ú tlhele a kuma Isaka onge hi loko Isaka loyi a a lo vuya hi le sirheni.

Vafilipiya 3:21

Ú ta hundzula miri wa hina lowu solekaka, a wu endla lowu fanaka ni miri wa yena lowo kwetsima, hi matimba lawa ha wona a kotaka ku veka hinkwaswo ehansi ka mfumo wa yena.

Zakariya 8:6

HOSI ya matimba hinkwawo yi vurisa sweswo yi ri: “Hambiloko masalela ya vanhu va mina ma ku: ‘Namuntlha, swilo leswi swi nge pfuki swi endlekile!’ mina ndzi ri, swi nga ka swi nga ndzi tsandzi; ndzi vurisa sweswo mina HOSI ya matimba hinkwawo.”

2 TIHOSI 7:2

Kutani ndhunankulu, xandla xa hosi ya Israele, yi ku ka Elixa: “Naloko HOSI Xikwembu hi xiviri xa xona xi nga pfula matilo xi nisa mpfula, xana mhaka yo tano yi nga tshuka yi endlekile xana?” Elixa a hlamula a ku: “U ta vona swakudya swa kona hi mahlo, kambe a wu nga swi dyi.”

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

2 TIHOSI 3:18

Elixa a engeta a ku: “Leswi i mhaka leyitsongo emahlweni ka HOSI Xikwembu: Xi ta endla ku tlula sweswo, ku nga ku nyiketa Vamowabu emavokweni ya n'wina.

Marka 10:26

Kutani ku hlamala ka vona ku engeteleleka; va vutisana, va ku: “Loko swi ri tano, ku nga pona mani xana?”