Marka 10:24 - BIBELE Mahungu Lamanene

²⁴ Vadyondzisiwa va hlamala swinene hi marito ya yena. Kambe Yesu a engeta a ku ka vona: “Vanakulorhi, swi nonon'hwa ngopfu ku nghena eMfun'weni wa Xikwembu.

Testamente Leyimpsha Xichangana

²⁴ Vajondzisiwa vahlamala svinene hi marito ya yena. Kambe Yesu atlhela aku ka vona: “Vanakulorhi, svinonon'hwa ngopfu kunghena Mfun'wini wa Xikwembu.

Xitsonga (Bibele)

²⁴ Vadyondzisiwa va hlamala ngopfu hi marito lawa. Kambe Yesu a engeta a va byela, a ku: “Vana, swa nonon'hwa ngopfungopfu eka lava tshembaka rifuwo ku nghena eku fumeni ka Xikwembu.

Marka 10:24 Referans Kwoze

Swivuriso 11:28

Loyi a tshembaka rifuwo ra yena, ú ta wa, kambe lowo lulama ú ta tsaka ku fana ni murhi lowu hlukaka.

Nhlavutelo 3:17

U vula leswaku u xifumi, ni leswaku u humelerile, ni leswaku a wu pfumari nchumu, kasi a wu tivi leswaku u mutsandzeki, u le khombyeni, u xisiwana, u file mahlo, a wu ambalanga nchumu!

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Pisalema 52:7

“Vonani munhu loyi a nga ala leswaku Xikwembu xi va khokholo ra yena, hikuva a a tshemba ku tala ka rifuwo ra yena, a ehleketa leswaku ri nga n'wi biyelela.”

Luka 16:14

Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Swivuriso 18:11

Khokholo ra n'wankumi i rifuwo ra yena, ú ehleketa leswaku i rirhangu leri n'wi sirhelelaka.

Pisalema 62:10

U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.

1 Yohane 2:1

Vana vanga, ndzi mi tsalela timhaka leti leswaku mi ta ka mi nga dyohi; kambe loko un'wana a tshuka a dyoha, hi ni muyimeri eka Tatana, a nga Yesu Kriste la lulameke.

Yohane 13:33

Vana vanga, ndza ha ta va na n'wina nkarhinyana; mi ta ndzi lava, kambe hilaha ndzi byeleke Vayuda hakona loko ndzi te: ‘Laha ndzi yaka kona mi nga ka mi nga ti’, na n'wina sweswi ndza mi byela mhaka leyi.

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Habakuku 2:9

Ú ni khombo loyi a fumisaka ndyangu wa yena hi bindzu lero biha, leswaku a ta aka xisaka xa yena exivandleni lexi tlakukeke, ni ku ya tumbela kona, a ta ka a nga weli hi khombo.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Pisalema 17:14

We HOSI, ndzi ponise hi voko ra wena eka vanhu lava vo biha, lava averiweke vutomi bya nkarhinyana ntsena. Va xurhise hi leswi u nga va vekela swona, vana va vona a va kolwe ha swona, va siyela ni vatukulu va vona.

1 Yohane 5:21

Vana vanga, fularhelani swikwembu swa hava!

1 Yohane 4:4

Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

Vagalatiya 4:19

Vana vanga, ku fana na manana la nga kusuhi na ku veleka n'wana, ndzi twa ku vava nakambe hikwalaho ka n'wina, ku fikela loko xivumbeko xa Kriste xi vonaka exikarhi ka n'wina ...

Yohane 21:5

Kutani Yesu a ku ka vona: “Vana vanga, mi phasile xana?” Va n'wi hlamula, va ku: “E-e.”

Yohane 6:60

Loko vadyondzisiwa va Yesu lavo tala va twile leswi, va ku: “Rito leri ra nonon'hwa; i mani la nga ri tiyelaka xana?”

Matewu 19:25

Loko vadyondzisiwa va twa marito lawa, va hlamala ngopfu, va ku: “Loko swi ri tano, ku nga pona mani xana?”

Marka 1:27

Kutani hinkwavo va hlamala ngopfu, lero kala va vutisana va ku: “Hi leswo yini leswi? I dyondzo leyintshwa! Hikuva ú lerisa hi matimba mimoya ya thyaka, kutani na yona yi n'wi yingisa!”

Marka 10:23

Kutani Yesu a rhalarhala, a ku ka vadyondzisiwa va yena: “Swi ta nonon'hwa ngopfu eka lava nga ni rifuwo ku nghena eMfun'weni wa Xikwembu.”