Marka 1:34 - BIBELE Mahungu Lamanene

³⁴ Kutani a hanyisa vanhu lavo tala lava vabyaka hi mavabyi ya tinxaka-xaka, a hlongola ni mademona layo tala. Ntsena a a nga pfumeleri mademona lawa ku vulavula, hikuva a ma n'wi tiva.

Testamente Leyimpsha Xichangana

³⁴ Kutani ahanyisa vanhu lavotala, lava avavabza hi mavabzi ya tinxakaxaka, ahlongola ni madimoni layotala. Ntsena yena aangapfumeleli madimoni lawa lesvaku mavulavula, hikuva amamutiva.

Xitsonga (Bibele)

³⁴ Kutani a horisa vanhu lavo tala, lava vabyaka hi mavabyi layo tala, a hlongola ni mademona layo tala, kambe a nga pfumelanga leswaku mademona ma vula leswaku ma n'wi tiva.

Marka 1:34 Referans Kwoze

Luka 4:41

Na wona mademona ma huma eka lavo tala, ma huwelela ma ku: “U N'wana wa Xikwembu.” Kambe Yesu a ma tshinya, a nga ma pfumeleli ku vulavula, hikuva a ma tiva leswaku hi yena Mesiya.

Marka 3:12

Kambe Yesu a a laya mimoya hi matimba leswaku yi nga tshuki yi n'wi twarisa.

Matewu 4:23

Yesu a rhendzeleka ni tiko hinkwaro ra Galeliya, a ri karhi a dyondzisa emasinagogeni ya vona, a twarisa Evhangeli ya Mfumo, a herisa mavabyi hinkwawo, ni ku vaviseka hinkwako loku nge vanhwini.

Marka 1:25

Yesu a wu tshinya, a ku: “Miyela! Huma ka munhu yoloye!”

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.