Marka 1:24 - BIBELE Mahungu Lamanene

²⁴ wu ku: “Mhaka ya hina na wena hi yihi, we Yesu wa Nazareta? Xana u tele ku ta hi lovisa xana? Ndza ku tiva leswaku u mani, u lowo Hlawuleka wa Xikwembu.”

Testamente Leyimpsha Xichangana

²⁴ wuku: “Mhaka ya hina na wena hi yihi, wena Yesu wa Nazareta? Xana utele kutahilovisa ke? Nakutiva lesvaku u mani: U Lweyi Wohlawuleka wa Xikwembu.”

Xitsonga (Bibele)

²⁴ “Mhaka ya hina na wena hi yihi, Yesu wa Nazareta? U tile ku hi lovisa xana? Ndza ku tiva leswaku u Mukwetsimi wa Xikwembu.”

Marka 1:24 Referans Kwoze

Matewu 8:29

Kutani va huwelela, va ku: “Mhaka ya wena na hina hi yihi ke, wena N'wana wa Xikwembu? Xana u tele ku ta hi xanisa nkarhi wu nga si fika ke?”

Yakobo 2:19

Wena u pfumela leswaku ku ni Xikwembu xin'we ntsena. U endla swona. Hambi ma ri mademona ma pfumela sweswo, ma ri karhi ma rhurhumela.

Luka 4:34

wu ku: “Ha! Mhaka ya hina na wena hi yihi ke, wena Yesu wa Nazareta? Xana u tele ku ta hi lovisa xana? Ndza ku tiva leswaku u mani! U Lowo Hlawuleka wa Xikwembu.”

Timhaka 3:14

Yesu a a ri la hlawulekeke, la lulameke; kambe n'wina mi n'wi landzurile, mi kombela ku ntshunxeriwa mudlayi,

Nhlavutelo 3:7

“Tsalela ni ntsumi ya kereke ya le Filadelfiya, u ku: “ ‘Loyi a kwetsimeke, la nga wa ntiyiso, la tameleke xilotlelo xa Davhida, la pfalulaka ku ri hava loyi a nga ta pfala, la pfalaka ku ri hava loyi a pfalulaka, ú vula sweswo ú ri:

Timhaka 2:27

We Hosi, u nge ndzi rivali exivandleni xa vafi, u nge tshiki Muhlawuriwa wa wena a hela hi ku bola.

Luka 8:28

Loko a vona Yesu, a huwelela, a tiwisela hansi emahlweni ka yena, a tlakusa rito a ku: “Mhaka ya mina na wena hi yihi ke, wena Yesu N'wana wa Xikwembu xa le henhla-henhla? Ndza ku khongela, u nga ndzi xanisi.”

Marka 5:7

kutani a huwelela hi rito leri tlakukeke, a ku: “Mhaka ya mina na wena hi yihi ke, wena Yesu N'wana wa Xikwembu xa le henhla-henhla? Ndza ku khongela hi vito ra Xikwembu, u nga ndzi xanisi!”

Pisalema 16:10

We HOSI, a wu nga ndzi nyiketi exivandleni xa vafi, a wu nga ndzi yisi enon'weni wa sirha, mina ndzi ku khongelaka.

Yohane 6:69

Kutani hina hi ni ku pfumela, ni ku swi tiva leswaku hi wena Muhlawuleki wa Xikwembu.”

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Timhaka 24:5

Hi kumile leswaku munhu loyi ú vanga mpfilumpfilu. Ú pfuxa madzolonga exikarhi ka Vayuda hinkwavo lava akeke kwihi na kwihi emisaveni; hi yena la nga nhloko ya dyondzo yo hambuka ya Vanazarene.

Timhaka 4:27

“Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Luka 24:19

A ku ka vona: “Hi tihi xana?” Va ku ka yena: “Ta Yesu wa Nazareta, loyi a a ri muprofeta wa matimba emintirhweni ne ku vulavuleni, emahlweni ka Xikwembu ne mahlweni ka tiko hinkwaro;

Matewu 2:23

a ya aka emutini lowu vuriwaka Nazareta, leswaku ku hetiseka leswi vaprofeta va nga vula swona hi tlhelo ra Mesiya, loko va te: “U ta vuriwa Munazarene.”

Luka 8:37

Kutani vaaki hinkwavo va tiko ra Vagerasi, va kombela Yesu leswaku a suka etikweni ra vona, hikuva a va khomiwile hi ku chava lokukulu. Hiloko Yesu a nghena ebyatsweni, a tlhela.

Eksoda 14:12

Xana a hi ku byelanga mhaka leyi loko ha ha ri le Egipta, hi ku: ‘U nga hi karhati, hi tshike hi tirhela Vaegipta!’ xana? Eka hina, a swi ta antswa ku tirhela Vaegipta, ku ri na ku ta fela laha mananga!”

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Marka 1:23

Esinagogeni ra vona a ku ri ni munhu la ngheniweke hi moya wa thyaka; wona wu huwelela,

Marka 1:25

Yesu a wu tshinya, a ku: “Miyela! Huma ka munhu yoloye!”

Marka 10:47

Loko a twa leswaku i Yesu wa Nazareta la taka, a sungula ku huwelela, a ku: “Yesu N'wana Davhida, ndzi twele vusiwana!”

Marka 14:67

loko a vona Petro a ri karhi a tinyawusa endzilweni, a n'wi honolela, a ku: “Na wena, a wu ri na Munazarene loyi va nge i Yesu.”

Marka 16:6

Kambe jaha ri ku ka vona: “Mi nga hlamaleni; Yesu wa Nazareta la vambiweke, loyi mi n'wi lavaka, ú pfukile, a nga kona la; laha a va n'wi vekile kona hi kwala.

1 Yohane 2:20

Kambe n'wina mi cheriwile Moya hi loyi a kwetsimaka, kutani hinkwenu mi ni vutivi.