Malakiya 4:4 - BIBELE Mahungu Lamanene

⁴ “Anakanyani leswi nandza wa mina Muxe a mi dyondziseke swona; entshaveni ya Horebe, ndzi n'wi nyikile milawu ni swiletelo, leswaku a mi tivisa swona n'wina Vaisraele hinkwenu.

Xitsonga (Bibele)

⁴ “Tsundzukani nawu wa Muxe, nandza wa mina, lowu ndzi wu leriseke Vaisraele hinkwavo ha yena eHorebe, wu nga nawu ni ku lerisa.

Malakiya 4:4 Referans Kwoze

Duteronoma 4:10

Siku leri mi yimeke emahlweni ka HOSI Xikwembu entshaveni ya Horebe, xi ndzi byerile xi ku: ‘Hlengeleta Vaisraele, ndzi lava leswaku va yingisa leswi ndzi nga ta va byela swona, va ta tiva ku ndzi chava vutomi bya vona hinkwabyo laha misaveni, va ta dyondzisa ni vana va vona.’

Varhoma 3:31

Loko swi ri tano, xana hi dlaya Nawu hi mhaka ya ku pfumela xana? Nikutsongo! Kambe hi tiyisa Nawu.

Esaya 42:21

HOSI Xikwembu xi kombisile vukulu ni ku dzuneka ka Nawu wa xona, xi swi endlile hi ku tsaka, hikuva i Xikwembu lexi lulameke.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Duteronoma 4:23

Tivoneleni, mi nga tshuki mi rivala ntwanano lowu HOSI Xikwembu xa n'wina xi wu endleke na n'wina, mi nga tiendleli xifaniso xihi kumbe xihi xa swilo leswi HOSI Xikwembu xa n'wina xi mi aleleke ku swi gandzela,

Duteronoma 5:2

HOSI Xikwembu xa hina xi endlile ntwanano na hina entshaveni ya Horebe;

Duteronoma 8:11

“Tivoneleni, mi nga tshuki mi fularhela HOSI Xikwembu, hi ku rivala milawu ni swileriso ni swiletelo swa xona leswi ndzi mi byelaka swona, namuntlha.

Duteronoma 8:19

Namuntlha ndzi hlambanya leswaku loko mo fularhela HOSI Xikwembu xa n'wina, kutani mi landzelela swikwembu swin'wana mi swi tirhela ni ku swi gandzela, mi ta heriseriwa makumu.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’