Malakiya 4:2 - BIBELE Mahungu Lamanene

² Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Xitsonga (Bibele)

² “Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Malakiya 4:2 Referans Kwoze

Yeremiya 33:6

Hambiswiritano, ndzi ta tisela va le Yerusalema ku tsaka ni ku hanyisiwa, ndzi ta va horisa, ndzi va avela rifuwo ni ku rhula loku tiyeke.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Esaya 30:26

Naswona, n'weti wu ta vangama kukota dyambu, dyambu rona ri ta vangama ka 7 ku tlula leswa khale; ku vonakala ka siku rin'we ku ta ringana ni ku vonakala ka masiku ya 7. Esikwini rero, HOSI Xikwembu xi ta bohelela ni ku horisa timbanga leti xi ti boxeke, loko xi ba vanhu va xona.

Luka 1:78

Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Esaya 53:5

Kasi a a boxiwa timbanga hikwalaho ka milandzu ya hina, a xanisiwa hikwalaho ka swidyoho swa hina. Ku biwa ka yena ku hi tisele ku rhula, hi hanyisiwile hi mafelangati ya yena.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

Yohane 1:4

swi kumile vutomi eka yena, kutani vutomi bya yena a byi ri ku vonakala eka vanhu.

2 SAMIELE 23:4

ú fana ni ku vonakala nimixo, loko dyambu ri tlhava hi siku ro pfumala mapapa: Ku phatima ka rona, loko mpfula yi nile, swi hlukisa byanyi bya rihlaza emisaveni!’

Nhlavutelo 22:2

Exikarhi ka xivava xa muti ni le matlhelweni ya nambu hala ni hala, ku ni murhi wa vutomi lowu nyikaka mihlovo ya 12 ya mihandzu, wu tswala mihandzu ya kona n'hweti yin'wana ni yin'wana; kutani matluka ya murhi i yo tshungula vanhu va matiko hinkwawo.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Nhlavutelo 2:28

“ ‘kukotisa leswi na mina hi xiviri ndzi nyikiweke matimba ya ku fuma hi Tata wa mina. Kutani ndzi ta n'wi nyika nyeleti ya mixo.

Pisalema 147:3

Xi horisa lava vavisekaka timbilu, xi bohelela timbanga ta vona.

Pisalema 103:3

Hi xona xi ndzi rivalelaka swidyoho hinkwaswo, xi horisaka mavabyi ya mina hinkwawo.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Esaya 35:6

swilema swi ta tlula-tlula ku fana ni timbavala, timbheveve ti ta ba minkulungwana ya ntsako, emananga ku ta baleka mati, ni le makwandzasini ku ta khuluka milambu;

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Timhaka 13:47

Hikuva Hosi yi hi lerisile leswi, yi te: “ ‘Ndzi ku vekile ku va ku vonakala eka vamatiko, ni ku va ndlela ya ku ponisiwa ematlhelweni hinkwawo ya misava.’ ”

Yohane 9:4

Hi fanele ku tirha mintirho ya Loyi a ndzi rhumeke, dyambu ri nga si pela; vusiku bya ta, lebyi munhu a nga ta ka a nga ha swi koti ku tirha.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Ezekiele 47:12

Emagangeni hinkwawo ya nambu hala ni hala, ku ta mila mirhi ya mihandzu yo hambana-hambana, yi va swakudya swa vanhu. Matluka ya mirhi ya kona a ma nga dzudzeki, ni mihandzu ya yona a yi nga kayiveli. N'hweti yin'wana ni yin'wana ku ta vupfa mihandzu leyintshwa, hikuva mati ya nambu lowu ma ta tshama ma ri karhi ma khuluka ma huma eTempeleni. Mihandzu ya kona yi ta va swakudya swa vanhu, matluka ya kona ma ta va murhi wo tshungula lava vabyaka.”

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Pisalema 67:1

Xikwembu a xi hi twele vusiwana xi hi katekisa, a xi hi langute hi tintswalo,

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

1 Yohane 2:8

Hambiswiritano, ndzi mi tsalela nawu lowuntshwa, lowu eka Kriste ni le ka n'wina wu tiyeke, hikuva munyama wa karhi wa hundza, kutani ku vonakala ka xiviri ka karhi ka voninga nisweswi.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

2 Vatesalonika 1:3

Swa hi fanela ku nkhensa Xikwembu masiku hinkwawo hikwalaho ka n'wina, vamakwerhu. Hakunene swa fanela sweswo, hikuva ku pfumela ka n'wina ku karhi ka kula ngopfu, ni ku rhandzana ka n'wina hinkwenu ku ya ku engeteleleka.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 1:8

A a nga ri yena ku vonakala, kambe ú tile ku ta veka vumbhoni ehenhla ka ta ku vonakala.

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Yeremiya 17:14

Ndzi hanyise we HOSI, ndzi ta hanya, ndzi ponise, kutani ndzi ta pona, hikuva ndzi dzunisa wena ntsena.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Timhaka 13:26

“N'wina varikwerhu mi nga rixaka ra Abrahama, na van'wana lava chavaka Xikwembu exikarhi ka n'wina: Mahungu lawa ya ku ponisiwa ma rhumeriwile ka hina.

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Pisalema 61:5

We Xikwembu, u yingisile xikombelo xa mina, hikuva u ndzi nyikile ndzhaka, va nga vanhu lava chavaka vito ra wena.

Yeremiya 30:17

Leswi va ku thyeke vito ra ‘Ntshikiwani’, we Siyoni, ni leswi va vulaka leswaku a wu hlayisiwi hi munhu, mina HOSI ndzi ri, ndzi ta ku hanyisa, ndzi ta horisa ni timbanga ta wena.”