Biblia Todo Logo
Bib sou entènèt

- Piblisite -




Malakiya 3:7 - BIBELE Mahungu Lamanene

7 Ku sukela eminkarhini ya vatata wa n'wina, mi hambukile endleleni, mi tshika swiletelo swa mina, ni ku swi hlayisa a mi swi hlayisanga. Vuyelani eka mina, kutani na mina ndzi ta vuyela eka n'wina. Ndzi vula sweswo mina HOSI ya matimba hinkwawo. Kambe n'wina mi ndzi vutisa mi ku: ‘Xana hi nga vuyerisa ku yini?’

Gade chapit la Kopi

Xitsonga (Bibele)

7 Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Gade chapit la Kopi




Malakiya 3:7
38 Referans Kwoze  

Kambe, hi tlhelo ra Vaisraele, ú ri: “Masiku hinkwawo ndzi tshambulutile mavoko ya mina, ndzi vitana vanhu va mina lava tiarisaka, lava lwaka na mina.”


hikuva leswi va nga tivangiki ku lulama loku nyikiwaka hi Xikwembu, kutani va lavaka ku lulama loku va tiendlelaka hi voxe, a va tivekanga ehansi ka ku lulama loku nyikiwaka hi Xikwembu.


Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.


Loko ndzi ta va ndzi va fikisile etikweni leri khulukaka ntswamba ni vulombe, leri ndzi hlambanyeke ku ri nyika vatata wa vona, vanhu lava va ta dya va xurha, va tlhela va nyuhela, kutani va ta ndzi sola, va tshova ntwanano wa mina, va ya va ya tirhela swikwembu swin'wana.


N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.


Kutani a a navela ku xurha hi makamba lama dyiwaka hi tinguluve, hikuva a ku nga ri na munhu la n'wi nyikaka nchumu.


Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.


“Mi ni khombo n'wina vatsari ni Vafarisi, hikuva mi vakanganyisi: Mi fana ni masirha lama basisiweke, lama vonakaka ma sasekile ehandle, kasi endzeni ku tele marhambu ya vafi ni hinkwaswo leswa thyaka.


HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’


Ndzi lo na va fikisa etikweni leri ndzi hlambanyeke ku va nyika rona, vona vo sungula ku tsakela switsunga leswo tlakuka ni mirhi leyi tlhumeke, kutani va ya gandzela kona swikwembu swa hava, va ndzi hlundzukisa hi ku yisa kona magandzelo ya vona, ma nga lama hisiwaka ni layo nun'hwela ni ya swakunwa.


Kambe vana lava, na vona va tiarisile, a va hlayisanga milawu ya mina, va bakanyile ni swiletelo swa mina leswi a va ta hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri emananga.


Kambe Vaisraele va tiarisile kwale mananga, va ala ku ndzi yingisa. A va hlayisanga milawu ya mina, va bakanya swiletelo swa mina leswi a va fanele ku kuma ku hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va herisa loko va ha ri emananga,


Khombo hileswaku va tiarisile, va ala ku ndzi yingisa; a va hambananga ni swilo swa manyala leswi a va swi tshemba; hinkwavo va arile ku tshika swikwembu swa hava swa Vaegipta. “Ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri etikweni ra Egipta.


Masiku hinkwawo, ndzi tshambulutile mavoko ndzi vitana vanhu va mina lava tiarisaka, lava fambaka etindleleni to homboloka, lava tiendlelaka hi ku rhandza.


“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.


HOSI Xikwembu xi ri: “Marito ya n'wina ma ndzi vavisa mbilu, kambe n'wina mi ri: ‘Hi ku vavisa loko hi vula yini xana?’


Hambiswiritano n'wina a mi rhiyanga ndleve mi yingisa, mi lo nyanya ku tinonon'hwisa, mi endla leswo biha ku tlula ni vatata wa n'wina.


Khale, a ndzi ri la hanyaka, ndzi nga ri ehansi ka Nawu; kambe hi ku ta ka xileriso, ku dyoha ku pfuka ku hanya, kutani mina ndzi fa.


Ku sukela enkarhini lowu vatata wa n'wina va humeke ha wona etikweni ra Egipta ku ta fika namuntlha, a ndzi hamba ndzi va rhumela malandza ya mina va nga vaprofeta.


Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.


N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.


Kutani a ku ka mina: “Wena munhu, ndzi ku rhuma eka Vaisraele, va nga vanhu lava tiarisaka, lava lwaka na mina; vanhu lava va ndzi dyoherile ku fana ni vatata wa vona, kutani ni namuntlha swa ha ri tano.


Swiv nou:

Piblisite


Piblisite