Malakiya 3:4 - BIBELE Mahungu Lamanene

⁴ Kutani magandzelo ya va le Yuda ni ya va le Yerusalema, ma ta tsakisa HOSI Xikwembu ku fana ni le minkarhini ya khale.

Xitsonga (Bibele)

⁴ Nhlengo wa Yuda ni wa Yerusalema, wu ta tsakisa Yehovha kukotisa eminkarhini ya khale, ni kukotisa emalembeni ya khalekhale.

Malakiya 3:4 Referans Kwoze

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Esaya 56:7

vanhu volavo, ndzi ta va pfumelela ku ta entshaveni ya mina leyo hlawuleka, ndzi ta va nyika ku tsaka endlwini ya mina yo khongelela ka yona; magandzelo ya vona lama hisiwaka ni lama dyiwaka, ndzi ta ma amukela alitarini ya mina, hikuva yindlu ya mina yi ta vuriwa ‘yindlu ya xihongelo eka vanhu va matiko hinkwawo’.”

Pisalema 51:19

kutani magandzelo hinkwawo lamanene lama hisiwaka ma ta ku tsakisa, ni tinkuzi ti ta humesiwa ti yisiwa alitarini ya wena.

2 TIKRONIKA 1:6

Va tlhava swifuwo swa 1 000, kutani Solomoni a humesa ha swona magandzelo lama hisiwaka, alitarini leya koporo, leyi nga mahlweni ka Ntsonga lowo Hlawuleka wa HOSI Xikwembu.

1 TIKRONIKA 21:26

Kutani a akela HOSI Xikwembu alitari kona, a xi humesela magandzelo lama hisiwaka ni ya xinakulobye, a khongela HOSI Xikwembu, xona xi n'wi hlamula hi ndzilo lowu humaka etilweni, wu wela ehenhla ka alitari wu hisa magandzelo ya kona.

1 TIKRONIKA 15:26

Kutani va humesa magandzelo hi tinkuzi ta 7 ni tinyimpfu ta makhuna ta 7, va kombela leswaku HOSI Xikwembu xi pfuna Valevhi eku rhwaleni ra Areka ya Ntwanano.

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.