Malakiya 3:11 - BIBELE Mahungu Lamanene

¹¹ Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.

Xitsonga (Bibele)

¹¹ Ndzi ta sivela xisingiri, xi nga ti mi onhela swakudya swa tiko, kutani vhinya yi nga ka yi nga tshiki mihandzu ya yona etikweni, ku vula Yehovha wa mavandla.

Malakiya 3:11 Referans Kwoze

Duteronoma 11:14

xi ta mi nisela mpfula etikweni ra n'wina hi nguva ya kona; leyo sungula yi ta na, hambi yi ri leyo tsema nguva, kutani mi ta pfuna mavele ni vhinyo ni mafurha.

Yuwele 2:22

Mi nga chavi n'wina swiharhi, hikuva madyelo enhoveni ma hlukile; mirhi yi tswarile mihandzu, minkuwa ni vhinya swa nemba hi mihandzu.

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

Yuwele 1:4

Leswi siyeke hi xigon'wani, swi dyiwile hi magerere. Leswi magerere ma swi siyeke, xijajani xi dyile, kutani leswi siyeke hi xijajani, swi dyiwile hi mherhavunguvungu.

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Amosi 4:9

“Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.

Habakuku 3:17

Hambiloko nkuwa wu nga baleki swiluva, kumbe murhi wa vhinya wu nga cheli mihandzu; hambiloko mutlhwari wu kanganyisa mubyari wa wona, ni masimu ma nga humesi swakudya; hambiloko tinyimpfu ti fa hinkwato ematshangeni, ni tihomu ti nga ha vonaki eswivaleni,

Yuwele 1:12

Murhi wa vhinya wa vuna, nkuwa wu hela matimba; mirhi ya magrenada, ni ya mincindzu, ni ya maapula, hinkwayo ya vuna; ku tsaka a ka ha ri kona exikarhi ka vanhu.

Yeremiya 8:13

HOSI Xikwembu xi vula sweswo xi ri: “Ndzi lavile ntshovelo eka Vaisraele, kambe a ndzi wu kumanga; hikokwalaho ndzi ta va herisa. Va fana ni murhi wa vhinya kumbe nkuwa lowu nga tswaliki nchumu, lowu matluka ya wona ma omeke; hikokwalaho ndzi ta va tshika, va kandziyeriwa hansi hi vahundzi va ndlela.”

Yuwele 1:7

Va onhile masimu ya hina ya vhinya, ni mirhi ya hina ya minkuwa, va yi tsemelerile. Va kwamurile mahanti ya yona, va ma cukumetela ehansi, marhavi ya yona va ma kwalarisile.

Hosiya 2:21

“Mina HOSI ndzi ri, eminkarhini yoleyo, ndzi ta hlamula! Ndzi ta vulavula ni matilo, matilo ma vulavula ni misava;

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Hagayi 1:11

Hikokwalaho, ndzi lerisile leswaku ku va ni dyandza etikweni ni le magangeni; ku ta pfumaleka koroni, ni vhinyo leyintshwa, ni mafurha, ni hinkwaswo leswi milaka emisaveni; dyandza ri ta wela vanhu ni swifuwo, ni mihandzu hinkwayo ya nyuku wa vona.”