Malakiya 2:8 - BIBELE Mahungu Lamanene

⁸ Kambe n'wina mi hambukile endleleni, lavo tala va khugukile hikwalaho ka ku dyondzisa ka n'wina, kutani n'wina Valevhi mi onhile ntwanano wa mina na n'wina. Ndzi vula sweswo mina HOSI ya matimba hinkwawo.

Xitsonga (Bibele)

⁸ Kambe n'wina mi hambukile ndlela, mi khunguvanyise lavo tala hi nawu; mi onhile ntwanano wa Levhi, ku vula Yehovha wa mavandla.

Malakiya 2:8 Referans Kwoze

Nehemiya 13:29

We Xikwembu xanga, u nga va rivaleli, hikuva va nyamisile ntirho wa vuprista, va nyamisa na ntwanano lowu u wu endleke ni vaprista ni Valevhi.

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.

Malakiya 2:5

Ntwanano wa mina ni va ka Levhi khale a wu ri lowu tisaka vutomi ni ku rhula; ndzi va nyikile wona leswaku va ndzi xixima, va ndzi komba xichavo.

Ezekiele 44:10

Xikwembu xi ri: “Ndzi ta ba Valevhi, hikuva vona ni Vaisraele lavan'wana va ndzi fularherile va ya gandzela swikwembu swa hava.

Yeremiya 17:5

HOSI Xikwembu xi vurisa sweswo xi ri: “Ú ni khombo munhu loyi a tshembaka munhu-kulobye, a tiseketela hi xivumbiwa xa nyama ni ngati, loyi miehleketo ya yena yi ndzi fularhelaka!

Esaya 30:11

tshikani leswi mi swi endlaka, mi nga ha tirhi ntirho lowu, mi nga ha hi byeli nchumu hi ta Muhlawuleki wa Israele.’ ”

1 SAMIELE 2:17

Hikokwalaho, swidyoho swa majaha lawa a swi chavisa ngopfu emahlweni ka HOSI Xikwembu, hikuva maendlele ya wona a ma sorisa leswi humeseriwaka HOSI Xikwembu.

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Varhoma 14:21

Swi sasekile loko u nga dyi nyama kumbe u nga nwi vhinyo, ni loko u titsona xilo xihi ni xihi lexi nga vangelaka makwenu ku khunguvanyeka.

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Esaya 9:16

Varhangeri va tiko leri, va lahlekisa vanhu, kutani vaaki va rona va mitiwa.

Pisalema 119:102

Swiboho swa wena a ndzi swi fularheli, hikuva hi wena u ndzi dyondziseke swona.

Pisalema 18:21

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.

1 SAMIELE 2:24

E-e, vana vanga! Timhaka leti ndzi ti twaka ti hangalasiwa hi vanhu va HOSI Xikwembu, a hi letinene.

Levhitika 21:15

Loko a nga endlisi sweswo, vana lava a nga ta va kuma, va ta va va nga tenganga: Hi mina HOSI, Xikwembu lexi xi n'wi hlawulekisaka.”

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Tinhlayo 25:12

Kutani n'wi byele leswaku ndzi veka emavokweni ya yena ntwanano wa mina lowu tisaka ku rhula;

Tinhlayo 25:13

hikwalaho ka ntwanano lowu, yena ni vatukulu va yena va ta va vaprista hilaha ku nga heriki, hikuva yena Finiyasi ú lavile leswaku ku gandzeriwa mina Xikwembu xa yena ntsena, a tlhela a basisa Vaisraele enandzwini wa vona.”

Yeremiya 2:8

Vaprista a va ha vutisanga leswaku mina HOSI ndzi nga va ndzi ri kwihi. Lava tivaka nawu a va vanga na mhaka na mina, varhangeri va ndzi dyoherile; vaprofeta va dyondzisile hi vito ra Baali, va landzelela swikwembu leswi nga pfuniki nchumu.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Sofoniya 3:4

Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.

2 TIHOSI 16:11

Kutani muprista Uriya a aka alitari hi ku landza hinkwaswo leswi hosi Akazi a swi leriseke a ri eDamaska. Muprista Uriya a endlisa sweswo, hosi Akazi a nga si vuya hi le Damaska.

Swivuriso 12:8

Munhu ú nkhensiwa hikwalaho ka mianakanyo ya yena leyinene, kasi munhu wa miehleketo yo gombonyoka, wa sandziwa.

Ezekiele 22:26

Vaprista va tiko leri va onhile nawu wa mina, va nyamisa swilo swa mina leswo hlawuleka; a va hambanisanga swilo leswo hlawuleka ni leswi nga hlawulekangiki; a va dyondzisanga vanhu ku hambanisa leswi tengeke ni leswi nga tengangiki; a va hlayisanga siku ra mina ra Savata, kutani ndzi hundzukile xihlekiso exikarhi ka Vaisraele.

Ezekiele 44:7

Mi pfumelela vamatiko lava nga yimbangiki, lava nga riki na mhaka na mina, leswaku va nghena eTempeleni ya mina, va yi nyamisa, loko n'wina mi ri karhi mi ndzi humesela swakudya hi magandzelo, ku katsa ni mafurha ni ngati, kutani mi tshovile ntwanano exikarhi ka mina na n'wina hi swilo hinkwaswo swa manyala leswi mi swi endleke.

Ezekiele 44:12

Mina HOSI N'wini wa hinkwaswo ndzi tiyisa hi ku hlambanya leswaku ndzi ta ba Valevhi, hikuva va hambukisile Vaisraele ni ku va dyohisa hi ku va pfuna ku gandzela swikwembu swa vona swa hava.

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’