Malakiya 2:10 - BIBELE Mahungu Lamanene

¹⁰ Xana tata wa hina hinkwerhu a hi un'we ke? Xana a hi vumbiwanga hi Xikwembu xin'we xana? Hikwalaho ka yini hi kanganyisana, kutani hi onha ntwanano wa vatata wa hina xana?

Xitsonga (Bibele)

¹⁰ Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

Malakiya 2:10 Referans Kwoze

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Malakiya 2:11

Va le Yuda a va tshembekanga, va endlile manyala layo chavisa etikweni ra Israele ni le Yerusalema. Va le Yuda va onhile yindlu leyo hlawuleka ya HOSI Xikwembu, leyi xi yi rhandzaka, hikuva va yile va ya teka vavasati lava khongelaka swikwembu swimbe.

1 Vakorinto 8:6

eka hina ku ni Xikwembu xin'we ntsena, Tatana loyi swilo hinkwaswo swi humaka eka yena, na hina hi hanyelaka yena; naswona ku ni Hosi yin'we ntsena, Yesu Kriste loyi hinkwaswo swi taka hi le ka yena, na hina hi hanyaka hikwalaho ka yena.

Vaefesa 4:6

ku ni Xikwembu xin'we, Tata wa vanhu hinkwavo, lexi xi va fumaka hinkwavo, lexi tirhaka hi vona ni ku tshama eka vona hinkwavo.

Esaya 63:16

Tata wa hina, hi wena HOSI, hikuva Abrahama a nga ha hi tivi, hambi a ri Yakobo, ú hi rivarile. Hi wena tata wa hina, ku sukela khale, hi ku thyile vito ra ‘Mukutsuri’!

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.

Timhaka 7:26

Hi siku leri tlhandlamaka, a ya kuma van'wana vambirhi va ri karhi va lwa, kutani a ringeta ku va khongotela leswaku va nga lwi, a ku: ‘Vavanuna, mi vanhu van'we! Mi vaviselana yini xana?’

Matewu 3:9

Naswona mi nga anakanyi, mi ku: ‘Hi na Abrahama, a nga yena tata wa hina.’ Hikuva ndza mi byela leswaku Xikwembu xi nga pfuxela Abrahama evana hi maribye lawa.

Yohane 8:41

N'wina mi endla mintirho ya tata wa n'wina.” Va ku ka yena: “Hina a hi vana vo tswariwa hi vuhunguki; hi ni tatana un'we ntsena, xi nga Xikwembu.”

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Matewu 10:21

“Munhu ú ta nyiketa makwavo wa yena eku dlaweni, ni tatana ú ta endlisa sweswo eka n'wana wa yena; vana va ta pfukela vatswari va vona, va va dlaya.

Malakiya 2:8

Kambe n'wina mi hambukile endleleni, lavo tala va khugukile hikwalaho ka ku dyondzisa ka n'wina, kutani n'wina Valevhi mi onhile ntwanano wa mina na n'wina. Ndzi vula sweswo mina HOSI ya matimba hinkwawo.

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

Ezekiele 33:24

“Wena Ezekiele, tiva leswaku lava saleke marhumbini etikweni ra Israele, va tshamela ku vula va ku: ‘Abrahama a a ri yexe loko a nyikiwa tiko leri ri va ra yena. Kutani hina hi tele, swo fanela leswaku hi nyikiwa tiko leri ri va ra hina!’

Esaya 51:2

Tsundzukani Abrahama tata wa n'wina, na Sara loyi a mi kombeke misava. Abrahama, ndzi n'wi vitanile a nga si va na n'wana na un'we, kambe ndzi n'wi katekisile, a kuma vana ni vatukulu lavo tala.

Esaya 44:2

Hi mina HOSI, loyi a mi endleke; mina muvumbi wa n'wina, ndzi mi pfunile ku sukela loko mi vile kona. Hikokwalaho n'wina va ka Yakobo malandza ya mina, mi nga chavi, ndzi mi hlawurile n'wina va ka Yexuruni.

Esaya 43:15

Hi mina HOSI Xikwembu, Muhlawuleki wa n'wina, ndzi muvumbi ni mufumi wa n'wina Vaisraele.”

Esaya 43:7

hikuva hinkwavo i va mina, ndzi va tumbuluxele ku ndzi dzunisa, hi mina ndzi nga muvumbi ni muendli wa vona.’ ”

Esaya 43:1

N'wina va ka Yakobo, HOSI Xikwembu lexi xi mi tumbuluxeke, xona muvumbi wa n'wina Vaisraele, xi vurisa sweswo xi ri: “Mi nga chavi, hikuva ndzi ta mi kutsula, ndzi mi vitanile hi mavito ya n'wina, mi va mina.

Ntirho 31:15

Xana la nga ndzi vumba ekhwirini ra manana, a hi yena la nga vumba vona ke? Loyi a hi tumbuluxeke hinkwerhu, a hi Xikwembu xin'we ke?

Nehemiya 13:29

We Xikwembu xanga, u nga va rivaleli, hikuva va nyamisile ntirho wa vuprista, va nyamisa na ntwanano lowu u wu endleke ni vaprista ni Valevhi.

Yoxuwa 24:3

Kutani mina ndzi susile kokwa wa n'wina Abrahama entsungeni wa nambu wa Yufrata, ndzi n'wi famba-fambisa etikweni hinkwaro ra Kanana, ndzi andzisa ni vatukulu va yena. Ndzi n'wi nyikile Isaka,

Eksoda 19:5

Kutani ke, loko mi yingisa leswi ndzi vulaka swona, ni loko mi hlayisa ntwanano wa mina, hambileswi misava hinkwayo yi nga ya mina, n'wina mi ta va vanhu va mina va xiviri exikarhi ka vanhu va matiko hinkwawo.

Vaheveru 12:9

Ehandle ka swona, hi vile ni vatata wa hina va laha misaveni lava a va hi laya, kutani hi va kombile xichavo. Xana a hi nga titsongahati ngopfu ku tlula sweswo eka Tata wa hina emoyeni, leswaku hi hanya xana?

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

Varhoma 9:10

A hi sweswo ntsena, kambe Rhaveka na yena, ú velekile vana hi nuna un'we ntsena, tata wa hina Isaka.

Varhoma 4:1

Loko swi ri tano, xana hi nga vula leswaku Abrahama, yena loyi rixaka ra hina ri humaka eka yena, ú kume yini xana?

Timhaka 17:25

naswona a xi tirheriwi hi mavoko ya vanhu, wonge hi loko xi nga pfumala nchumu; hikuva hi xona lexi nyikaka un'wana ni un'wana vutomi, ni ku hefemula, ni swilo hinkwaswo.

Timhaka 7:2

Stefano a hlamula, a ku: “N'wina varikwerhu na vatatana, ndzi yingiseni! Xikwembu lexi kwetsimaka xi tikombisile eka tata wa hina Abrahama, loko a ha ri eMesopotamiya, a nga si aka eHarani,

Yohane 8:56

Tata wa n'wina Abrahama ú tsakile ngopfu ku vona siku ra mina; ú ri vonile, a vuya a tsaka.”

Yohane 8:53

Xana u lonkulu ku tlula Abrahama tata wa hina loyi a nga fa xana? Vaprofeta na vona va file; xana u tivona u ri mani xana?”

Yohane 8:39

Va n'wi hlamula, va ku: “Tata wa hina i Abrahama.” Yesu a ku ka vona: “Loko a mi ri vana va Abrahama, a mi ta tirha mintirho ya Abrahama.

Luka 3:8

Vekani mihandzu leyi fambelanaka ni ku hundzuka ka n'wina! Mi nga anakanyi mi ku, mi na Abrahama, yena tata wa n'wina, hikuva ndzi ri ka n'wina: Xikwembu xi nga pfuxela Abrahama evana hi maribye lawa.

Luka 1:73

xi tibohile hi ku hlambanya eka Abrahama tata wa hina,

Timhaka 17:24

Xikwembu lexi nga endla misava ni hinkwaswo leswi nga ka yona, a xi tshami etitempeleni leti akiweke hi mavoko ya vanhu, leswi xi nga Hosi ya matilo ni misava;

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Eksoda 19:4

‘Mi swi vonile hi n'wexe leswi ndzi swi endleke eka Vaegipta; mi vonile ni hilaha ndzi mi rhwaleke hakona ndzi mi tisa ka mina, ku fana ni gama leri rhwalaka mavondlo ya rona etimpapeni.

Eksoda 24:3

Kutani Muxe a ya tivisa vanhu marito hinkwawo ya HOSI Xikwembu ni swileriso swa xona hinkwaswo; vanhu hinkwavo va hlamula hi nomo wun'we, va ku: “Hinkwaswo leswi HOSI Xikwembu xi leriseke swona, hi ta swi endla.”

Eksoda 24:7

Kutani a teka buku ya Ntwanano, a yi hlayela Vaisraele, kutani va ku: “Hinkwaswo leswi HOSI Xikwembu xi nga swi vula, hi ta swi endla; naswona hi ta yingisa.”

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.