Malakiya 1:6 - BIBELE Mahungu Lamanene

⁶ HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

Xitsonga (Bibele)

⁶ “N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Malakiya 1:6 Referans Kwoze

Luka 6:46

“Xana mi ndzi vulela yini: ‘Hosi, Hosi’ xana, kasi a mi endli leswi ndzi mi byelaka swona!

Esaya 1:2

N'wina matilo, yingisani, na wena misava, rhiya ndleve! HOSI Xikwembu xa vulavula, xi ri: “Ndzi wundlile vana ndzi va kurisa, kambe va ndzi hundzukerile.

Eksoda 20:12

“Xixima tata wa wena ni mana wa wena, leswaku u ta hanya masiku layo tala etikweni leri mina HOSI Xikwembu xa wena ndzi ku nyikaka rona.

1 Petro 1:17

Loko mi khongela, ma n'wi vula “Tatana”, yena loyi a avanyisaka munhu un'wana ni un'wana, a nga yi hi nghohe kambe hi mintirho ya munhu; hikokwalaho, hanyani hi xichavo, enkarhini hinkwawo wa ku xwa ka n'wina laha misaveni.

Hosiya 12:8

Va ka Efrayimi va ri: “Hina hi fumile, rifuwo leri, hi tihlengeleterile rona hi hexe!” Kambe rifuwo ra vona hinkwaro ri nge swi koti ku siva nandzu lowu va wu endleke.

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.

Vaefesa 6:2

Matsalwa ma ri: “U va ni xichavo eka tata wa wena ni ka mana wa wena” (hi wona nawu lowo rhanga lowu nga ni xitshembiso),

Swivuriso 30:17

Munhu loyi a sandzaka tata wa yena, a tlhela a ala ku yingisa mana wa yena, ú ta xokoriwa mahlo hi mawukuwuku, a dyiwa hi makoti.

Matewu 7:21

“A hi hinkwavo lava nge ka mina: ‘Hosi, Hosi’ lava nga ta nghena eMfun'weni wa matilo, kambe ku ta nghena la endlaka ku rhandza ka Tata wa mina la nge matilweni.

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Swivuriso 30:11

Ku ni vanhu lava rhuketelaka vatata wa vona, hambi vamana wa vona, a va va xiximi.

Duteronoma 5:16

“ ‘Xixima tata wa wena ni mana wa wena, hilaha mina HOSI Xikwembu xa wena ndzi ku leriseke hakona, leswaku u ta hanya masiku layo tala, u kateka etikweni leri mina HOSI Xikwembu xa wena ndzi ku nyikaka rona.

Levhitika 19:3

“Un'wana ni un'wana wa n'wina ú fanele ku va ni xichavo eka mana wa yena ni ka tata wa yena, naswona a hlayisa masiku ya mina ya Savata: Hi mina HOSI, Xikwembu xa n'wina.

Marka 10:19

U tiva Milawu leyi nge: ‘U nga tshuki u dlaya, u nga tshuki u oswa, u nga tshuki u yiva, u nga tshuki u humesa vumbhoni byo hemba, u nga dyeleli van'wana, u va ni xichavo ka tata wa wena ni ka mana wa wena.’ ”

Matewu 19:19

u va ni xichavo eka tata wa wena ni ka mana wa wena.’ Naswona: ‘U rhandza munhu-kuloni kukota loko u tirhandza.’ ”

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Ezekiele 22:26

Vaprista va tiko leri va onhile nawu wa mina, va nyamisa swilo swa mina leswo hlawuleka; a va hambanisanga swilo leswo hlawuleka ni leswi nga hlawulekangiki; a va dyondzisanga vanhu ku hambanisa leswi tengeke ni leswi nga tengangiki; a va hlayisanga siku ra mina ra Savata, kutani ndzi hundzukile xihlekiso exikarhi ka Vaisraele.

Yeremiya 23:11

HOSI Xikwembu xi ri: “Vaprofeta ni vaprista va endla swo fana, hinkwavo va nyamisa tiko; hambi eTempeleni, ndzi kuma swiendlo swa vona leswo biha.

Matewu 15:6

Eka n'wina, munhu loyi a nga ha ri na fanelo ya ku pfuna tata wa yena. Kutani ke mi onha rito ra Xikwembu hi mikhuva ya n'wina.

Malakiya 2:8

Kambe n'wina mi hambukile endleleni, lavo tala va khugukile hikwalaho ka ku dyondzisa ka n'wina, kutani n'wina Valevhi mi onhile ntwanano wa mina na n'wina. Ndzi vula sweswo mina HOSI ya matimba hinkwawo.

Luka 10:29

Kambe yena, hi ku navela ku tiendla la lulameke, a ku ka Yesu: “Munhu-kulorhi i mani xana?”

Luka 6:36

Mi va ni nsovo kukota leswi Tata wa n'wina na yena a nga ni nsovo.

Marka 7:10

Hikuva Muxe ú te: ‘U va ni xichavo ka tata wa wena ni ka mana wa wena.’ Naswona ú te: ‘La rhuketelaka tata wa yena, kumbe mana wa yena, a a dlawe!’

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Luka 18:20

U tiva Milawu leyi nge: ‘U nga tshuki u oswa; u nga tshuki u dlaya; u nga tshuki u yiva; u nga tshuki u humesa vumbhoni byo hemba; u va ni xichavo eka tata wa wena ni ka mana wa wena.’ ”

Matewu 15:4

Xikwembu xi te: ‘U va ni xichavo eka tata wa wena ni ka mana wa wena.’ Naswona xi te: ‘Loyi a rhukanaka tata wa yena kumbe mana wa yena, a a dlawe!’

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Duteronoma 1:31

Hambi ku ri le mananga, mi swi vonile hilaha HOSI Xikwembu xa n'wina xi mi hlayiseke hakona, ku fana ni tatana la hlayisaka n'wana wa yena; xi vile na n'wina eriendzweni ra n'wina hinkwaro, mi kondza mi fika kwala.’

Pisalema 123:2

Malandza ya xinuna ni ya xisati a ma tshiki ku languta eka vinyi va wona. Hi mukhuva wolowo na hina a hi tshiki ku languta eka HOSI Xikwembu xa hina, xi kondza xi hi twela vusiwana.

Swivuriso 17:6

Lava nga ni vatukulu, va tinyungubyisa hi vona, na vona vana, va tinyungubyisa hi vatswari.

Esaya 43:23

Tinyimpfu ta magandzelo lama hisiwaka, a mi tanga na tona, hambi ma ri magandzelo ya xinakulobye, a mi ndzi humeselanga wona. Mina a ndzi mi tikiselanga hi ku kombela magandzelo, naswona a ndzi mi karhatanga hi ku lava ku hiseriwa mirhi ya risuna.

Yeremiya 3:4

A hi khale u ndzi vurile tata wa wena, naswona u ndzi vurile nakuloni ku sukela evuntshweni bya wena.

Yeremiya 35:16

Vana va Yonadabu wa Rekabi va hlayisile swileriso swa tata wa vona, kasi vanhu va mina lava, vona a va yingisi.

Sofoniya 3:4

Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.

Malakiya 2:1

HOSI ya matimba hinkwawo yi ri: “N'wina vaprista, xileriso xa mina eka n'wina hi lexi:

Malakiya 2:10

Xana tata wa hina hinkwerhu a hi un'we ke? Xana a hi vumbiwanga hi Xikwembu xin'we xana? Hikwalaho ka yini hi kanganyisana, kutani hi onha ntwanano wa vatata wa hina xana?

Duteronoma 32:6

Xana hi yona ndlela leyi mi hakelaka HOSI Xikwembu ha yona, ke? Maphuphula ndzin'wina, vanhu vo ke mano, xana a hi xona xi nga Tata wa n'wina, yena loyi a mi vumbeke ke? Muendli ni mulweri wa n'wina, a hi xona ke?

Esaya 45:10

Xana n'wana a nga vutisa vatswari va yena, a ku: “Hikwalaho ka yini mi ndzi velekile ndzi ri leswi ndzi nga xiswona, xana?”

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”