Malakiya 1:4 - BIBELE Mahungu Lamanene

⁴ Va le Edomu va nga vula va ku: ‘Hambileswi miti ya hina yi wisiweke ku sala marhumbi, hi ta tlhela hi yi pfuxa!’ Kambe mina HOSI ya matimba hinkwawo, ndzi vurisa sweswo ndzi ri: Hambiloko va nga pfuxa miti ya vona, mina HOSI ndzi ta yi mbundzumuxa, va ta kala va vuriwa ‘tiko-ro-biha’, kumbe ‘vanhu lava HOSI yi va hlundzukeleke hilaha ku nga heriki’!

Xitsonga (Bibele)

⁴ Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”

Malakiya 1:4 Referans Kwoze

Ezekiele 25:14

Vaisraele vona vanhu va mina, va ta va voko ra mina loko ndzi tirihisela eka va le Edomu. Vaisraele va ta endla leswi ndzi va lerisaka swona eku hlundzukeni ka mina lokukulu, kutani va le Edomu va ta tiva leswaku ndzi tirihisela hi mukhuva wihi! Ndzi vula sweswo mina HOSI N'wini wa hinkwaswo.”

Ezekiele 35:9

Tiko ra n'wina ri ta va mananga hilaha ku nga heriki, emitini ya kona a ku nga ha tshami munhu, kutani mi ta tiva leswaku HOSI Xikwembu, hi mina!’

Yeremiya 31:17

Vana ni vatukulu va wena va ha ta katekisiwa, ku vula mina HOSI; hakunene va ta vuyela etikweni ra ka vona.

Esaya 34:10

Vusiku ni nhlekanhi ndzilo wu ta pfurha wu nga timeki, musi wu ta tshama wu ri karhi wu tuvika. Tiko ra Edomu ri ta va mananga hilaha ku nga heriki, ku nge tsemakanyi munhu etikweni leri ni siku ni rin'we.

Esaya 34:5

HOSI Xikwembu xi hlomurile fumu ra xona ematilweni, xi lava ku xika xi tlhava Vaedomu, va nga vanhu lava xi tiyimiseleke ku va herisela makumu.

Esaya 11:14

Matiko lawa mambirhi ma ta ya nghenela Vafilista evupeladyambu ma va hlasela, ma ta famba swin'we ma ya phanghetela swilo swa vanhu va le vuxeni. Ma ta hlula Vaedomu ni Vamowabu, Vaamoni va ta va malandza ya matiko lawa.

Malakiya 1:3

ndzi venga Esawu. Swintshabyana swa va ka Esawu va nga va le Edomu, ndzi swi hundzurile mananga, tiko ra vona ndzi ri nyiketile timhungubye.

Amosi 6:2

n'wina mi nge, ‘Tsemakanyani mi ya vona muti wa Kaline, mi suka kona mi ya emutini lowukulu wa Hamata, kutani mi rhelela mi ya eGati muti wa Vafilista: Matiko lawa a ma tluli mimfumo ya n'wina ya Israele na Yuda, a ma kulanga ku tlula tiko ra n'wina!’

Ezekiele 11:10

Mi ta dlayiwa hi matlhari emindzilekaneni ya tiko ra Israele; ndzi ta mi bela kona, kutani mi ta tiva leswaku HOSI Xikwembu, hi mina.

Swirilo 3:37

Loko N'wini wa hinkwaswo a nga lerisanga nchumu, xana i mani loyi a nga vulaka rito, kutani swilo swi humelela, xana?

Esaya 10:4

Ku to sala ntsena ku bvutama-bvutama exikarhi ka lava khomiweke, kumbe ku dlayiwa ni van'wana. Hambiswiritano, vukari bya HOSI Xikwembu a byi nga tlheli, xa ha ta tlakusa voko ra xona, xi mi ba.

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Ntirho 12:14

“Leswi Xikwembu xi swi wiseke, swi nge pfuxiwi hi munhu; munhu loyi xi nga n'wi pfalela ekhotsweni, a nge pfuleriwi hi un'wana.

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

Matewu 12:30

Loyi a nga yimiki na mina, ú lwa na mina; kutani loyi a nga hlengeletiki na mina, wa hangalasa.

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Yeremiya 49:8

N'wina vanhu va le Dedani, sukani, balekani mi ya tshama emabakweni, hikuva ndzi le ku beni ka va ka Esawu, nkarhi wo va vangela makhombo wu fikile.

Yeremiya 49:20

Hikokwalaho, yingisani leswi ndzi swi boheke ehenhla ka va le Edomu, ni makungu ya mina ehenhla ka vanhu va le Temani: Hakunene vana va vona va ta kokakokiwa, ku nga ha sali na un'we wa mhamba etikweni ra kona!

Ezekiele 25:13

Hikokwalaho ndzi ta tlakusa voko ra mina ndzi va ba, ndzi dlaya vanhu ni swifuwo, tiko ra vona ndzi ri hundzula mananga. Vanhu va ta dlawa hi matlhari ku sukela Temani ku ya fika Dedani.

Ezekiele 26:14

Ndzi ta ku hundzula tambha ra ribye, ndhawu leyi vaphasi va tinhlampfi va anekelaka eka yona tinkoka ta vona; kutani a wu nga ha tlheli u akiwa hi vuntshwa. Hi swona leswi ndzi vulaka swona, mina HOSI N'wini wa hinkwaswo!”

Ezekiele 35:4

Miti ya n'wina ndzi ta yi hundzula marhumbi, ni tiko ra n'wina ri ta va mananga, kutani mi ta tiva leswaku HOSI Xikwembu, hi mina!

Amosi 3:15

Ndzi ta mbindzimuxa tindlu ta vuxika, ndzi mbindzimuxa ni ta ximumu. Tindlu to sasekisiwa hi meno ya tindlopfu ti ta lovisiwa, ni tindlu letikulu ti ta hela ti ku bi!” HOSI yi vula sweswo.

Amosi 5:11

Mi akile tindlu hi maribye lama vatliweke, kambe mi nga ka mi nga etleli eka tona; mi rimile masimu layo saseka ya vhinya, kambe mi nga ka mi nga nwi vhinyo ya kona, hikuva mi tshikelela vapfumari, mi va tekela mavele hi nkani.

Amosi 6:11

Vonani, hi ku lerisa ka HOSI, tindlu letikulu ni letitsongo ti ta hirimuka, ku sala marhumbi ntsena!

Obadiya 1:1

Lexi i xivono xa Obadiya, hi tlhelo ra leswi HOSI N'wini wa hinkwaswo a swi vuleke ehenhla ka va le Edomu. HOSI Xikwembu xi rhumile nandza wa xona ematikweni; mahungu ya kona hi ma kumile, lawa ya nge: “Sukani mi yima! A hi yeni hi ya hlasela Vaedomu!”

Obadiya 1:10

“Leswi mi khomeke vamakwenu va ka Yakobo hi tihanyi letikulu, mi ta khomisiwa tingana, mi heriseriwa makumu.

Pisalema 33:10

HOSI Xikwembu xi pfilunganya makungu ya vamatiko, xi va sivela ku ya emahlweni na wona.

Yeremiya 49:7

Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.