Malakiya 1:13 - BIBELE Mahungu Lamanene

¹³ Mi vulavula mi ri karhi mi ndzi monya, mi ku: ‘Ndzhwalo wa kona, a hi ku tika ka wona!’ Loko mi ta ni swifuwo leswi yiviweke, kumbe leswi lamaleke ni leswi vabyaka, kutani mi ndzi humesela magandzelo hi swilo leswo tano, mina ndzi nga ka ndzi nga swi amukeli. Ndzi vula sweswo, mina HOSI.

Xitsonga (Bibele)

¹³ Kutani mi ri: ‘Languta, a hi ku karhata ka xona!’ Mi vuya mi xi sola, ku vula Yehovha wa mavandla; mi tisa lexi yiviweke, ni lexi khwitaka, ni lexi vabyaka, mi endla gandzelo ha swona! Xana ndzi ta swi amukela emavokweni ya n'wina xana? Ku vula Yehovha.

Malakiya 1:13 Referans Kwoze

Mikiya 6:3

HOSI Xikwembu xi ri: “N'wina vanhu va mina, xana ndzi mi dyohele yini, xana ndzi tshama ndzi mi tikisela vutomi xana? Ndzi hlamuleni!

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Malakiya 2:13

Swin'wana leswi mi endlaka swona hi leswi: Mi halatela mihloti alitarini ya HOSI Xikwembu, mi rila mi tlhela mi konya, hikuva Xikwembu a xa ha tsakeli magandzelo ya n'wina; leswi mi swi humesaka, a xa ha swi amukeli.

Amosi 8:5

Mi byelana mi ku: “Xana nkhuvo wa siku ra ku tshama ka n'weti wu ta hela rini, hi ta kota ku xavisa mavele? Siku ra Savata rona ri ta hundza rini xana, hi ta kota ku xavisa mavele ya maxalana? Hi ta hunguta xisakana, kutani hi tlakusa nxavo wa kona, hi xisa vanhu hi mimpimo leyi nga riki yona;

Ezekiele 44:31

Vaprista a va fanelanga ku dya nyama ya swifuwo kumbe tinyanyana, loko swi lo tifela hi swoxe, kumbe loko swi dlayiwile hi swivandzana swa nhova.”

Ezekiele 4:14

Hiloko ndzi hlamula ndzi ku: “Yo HOSI N'wini wanga, a ndzi si tinyamisa ku sukela evuhlangini bya mina ku ta fika namuntlha; a ndzi si tshama ndzi dya nyama ya xifuwo lexi feke hi xoxe, kumbe lexi dlayiweke hi swiharhi swa nhova. Hambi swi ri leswi yirisiweke, a ndzi si dya ni siku ni rin'we!”

Esaya 57:6

Mi teka maribye layo rhetela eminkoveni, mi ma endla swikwembu swa n'wina, mi ma humesela vhinyo ni mapa ya magandzelo. Xana mi ehleketa leswaku swa ndzi tsakisa swilo leswi xana?

Esaya 1:12

Mi byele hi mani ku humesa swilo leswi, loko mi ta emahlweni ka mina ku ta ndzi gandzela, xana? Mo tela ku tshumbutela swivava swa mina ntsena.

1 SAMIELE 2:29

Kutani ke, hikwalaho ka yini mi sola magandzelo ya swifuwo ni mapa, lawa ndzi mi leriseke ku ma humesa minkarhi hinkwayo, xana? Hikwalaho ka yini u xixima vana va wena ku tlula mina, u tiphina na vona hi ku dya mongo wa timhamba hinkwato leti humesiwaka hi vanhu va mina va Israele, xana?’

Duteronoma 15:21

Kambe loko xifuwo xa kona xi ri ni xivati, kumbe xi lamele, kumbe xi file mahlo, kumbe xi vavisekile swinene, mi nga tshuki mi humesela HOSI Xikwembu gandzelo ha xona.

Levhitika 22:8

Muprista a nga tshuki a tinyamisa hi ku dya nyama ya xifuwo lexi nga lo tifela, kumbe lexi dlayiweke hi swivandzana: Hi mina HOSI.

Levhitika 6:4

Loko munhu a tshuka a tivangele nandzu hi ku dyoha, ú fanele ku tlherisa leswi a swi kumeke hi ku dyelela, kumbe hi ku xanisa van'wana, kumbe leswi a a khomisiwile swona, kumbe leswi a swi lahlekile kutani yena a swi thumbha,

2 SAMIELE 24:24

Kambe hosi Davhida a ku ka Arawuna: “E-e! Swilo leswi, ndzi lava ku humesa mali, ndzi swi xava ka wena. A ndzi lavi ku gandzela HOSI Xikwembu xa mina hi swilo leswi ndzi nga lo nyikiwa kunene.” Kutani Davhida a xava xivuya ni tihavi hi mali ya tisilivhere ta 50.

Esaya 61:8

HOSI Xikwembu xi ri: “Mina HOSI, ndzi rhandza ku lulama; lava tekelaka van'wana swa vona ni ku endla leswo homboloka, ndza va venga. Vanhu va mina, a ndzi nga va tsoni hakelo ya vona, ndzi ta endla na vona ntwanano lowu nga ta va kona hilaha ku nga heriki.

Hosiya 13:9

N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Malakiya 2:12

Un'wana ni un'wana loyi a endlaka swilo leswo tano, HOSI Xikwembu a xi n'wi alele vayimeri exikarhi ka va ka Yakobo, xi n'wi tekela ni lava va nga ta humesa magandzelo hi vito ra yena, va humesela HOSI ya matimba hinkwawo.