Malakiya 1:11 - BIBELE Mahungu Lamanene

¹¹ “Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Xitsonga (Bibele)

¹¹ Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Malakiya 1:11 Referans Kwoze

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Esaya 45:6

Kutani ku sukela evuxeni ku ya fika evupeladyambu, vanhu hinkwavo va ta swi tiva leswaku hi mina ntsena ndzi nga HOSI Xikwembu, ku hava un'wana.

Nhlavutelo 5:8

Loko xi tekile buku, swivumbiwa leswi hanyaka swa mune ni vakulukumba va 24 va nkhinsama emahlweni ka Xinyimpfana. Un'wana ni un'wana wa vona a a ri ni haripa, ni minkambana ya nsuku leyi taleke hi murhi wa risuna, yi nga mikhongelo ya vahlawuriwa va Xikwembu.

Matewu 28:19

hikokwalaho, yanani eka vamatiko hinkwavo, mi va endla vadyondzisiwa va mina, mi va khuvula hi vito ra Tatana, ni ra N'wana, ni ra Moya lowo Kwetsima,

Zakariya 8:7

HOSI ya matimba hinkwawo yi vurisa sweswo yi ri: “Vonani, ndzi ta lamulela vanhu va mina eka vanhu va matiko ya le vuxeni, ni ka vanhu va matiko ya le vupeladyambu.

Pisalema 50:1

HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Pisalema 141:2

Xikhongelo xa mina a xi fane ni mirhi ya risuna leyi hisiwaka emahlweni ka wena. Loko ndzi khongela ndzi tlakusile mavoko, a swi fane ni magandzelo lama humesiwaka nimadyambu.

Pisalema 67:2

kutani vanhu va misava hinkwayo va ta tiva hilaha xi tirhaka hakona, ni leswaku hi xona xi ponisaka.

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Luka 1:10

Ntshungu hinkwawo a wu ri ehandle, wu khongela hi nkarhi wolowo wa magandzelo ya risuna.

Malakiya 1:14

Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

Sofoniya 3:9

“Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Mikiya 5:4

Murhangeri loyi a taka, ú ta fuma tiko a tiyile, a komba matimba ni ku twala ka HOSI Xikwembu xa yena. Vaisraele va ta va va tshamisekile, hikuva ú ta va la chavisekaka emisaveni hinkwayo;

Amosi 9:12

Kutani va ta teka leswi saleke swa tiko ra Edomu, va teka ni matiko hinkwawo lawa khale a ma ri ehansi ka mina. Ndzi vula sweswo mina HOSI, ndzi ta swi endla.”

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Pisalema 113:3

Vito ra HOSI a ri dzunisiwe ku sukela evuxeni ku ya fika evupeladyambu.

Matewu 8:11

Ndza mi byela, ndzi ri: Lavo tala va ta huma evuxeni ni le vupeladyambu, kutani va ta tshama swakudyeni eMfun'weni wa matilo kun'we na va Abrahama, na Isaka, na Yakobo.

2 Vatesalonika 1:12

Hi ndlela leyi, vito ra Hosi ya hina Yesu ri ta dzunisiwa eka n'wina, na n'wina eka yena, hi tintswalo ta Xikwembu xa hina, ni ta Hosi Yesu Kriste.

Tinhlayo 7:74

ni xinkambana xa nsuku xo tika 120 g, xi tele hi mirhi ya risuna;

Pisalema 45:17

Vito ra wena ndzi ta ri dzunisa evanhwini minkarhi hinkwayo, kutani vanhu va matiko hinkwawo va ta ku twarisa hilaha ku nga heriki.

Pisalema 48:10

Ku dzuneka ka wena ku tate misava, we Xikwembu; vito ra wena ri tiveka hinkwako. U tirha hi ku lulama ntsena.

Pisalema 111:9

HOSI Xikwembu xi ntshunxile vanhu va xona, xi endla na vona ntwanano lowu nga heriki. Vito ra xona ri hlawulekile, ra chaviseka.

Esaya 12:4

kutani eminkarhini yoleyo, mi ta ku: “Tlangelani HOSI, mi khongela yona. Byelani matiko leswi yi swi endleke, ma tiviseni vukulu bya vito ra yona.

Esaya 12:5

“Yimbelelani mi dzunisa HOSI, hikuva yi tirhile leswikulu ngopfu, vanhu hinkwavo va misava a va tivisiwe swona.

Esaya 66:18

Ndzi tiva mintirho ya vona ni miehleketo ya vona! “Ndza karhi ndza ta ndzi ta hlengeleta vanhu va matiko hinkwawo, hi ku hambana ka tindzimi ta vona, leswaku va ta va ta vona ku dzuneka ka mina.

Yeremiya 10:6

We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Yeremiya 10:7

Xana i mani la nga ta ka a nga ku chavi, we Mufumi wa matiko, xana? Ku xiximiwa hi vanhu swi ku fanerile, hikuva exikarhi ka tintlhari hinkwato ni tihosi hinkwato ta misava, ku hava na un'we loyi a ringanaka na wena.

Daniele 2:45

Xikwembu lexikulu xi ku tivisile leswi nga ta humelela eminkarhini leyi taka: U vonile hilaha ribye ri phemekeke hakona entshaveni, ri nga khomiwanga hi munhu; naswona u vonile hilaha ri fayeteleke hakona nsimbhi ni koporo ni vumba ni silivhere ni nsuku. Norho lowu i ntiyiso, ni leswi wu vulaka swona swi tiyile.”

1 TIKRONIKA 16:25

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Pisalema 48:11

Hikokwalaho ntshava ya Siyoni a yi tsake; ku avanyisa ka wena a ku tsakise miti hinkwayo ya tiko ra Yuda.

Pisalema 65:9

U tikarhatela misava hi ku yi nisela mpfula, u yi andzisela minkateko. We Xikwembu, mati ma khuluka emilambyeni ya wena, u mirisa mavele emasin'wini ya vanhu; misava ya kona u yi lulamisa swinene.

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Pisalema 96:8

Xi twariseni mi dzunisa vito ra xona, tanani eTempeleni ya xona mi ri ni swa magandzelo.

Pisalema 138:5

A va dzunise matirhele ya wena hi risimu leri nge: “Ku dzuneka ka HOSI Xikwembu ku kurile ngopfu!

Esaya 19:21

HOSI Xikwembu xi ta tikombisa eka Vaegipta; kutani ku sukela esikwini rero, Vaegipta va ta hamba va xi tiva, va xi tirhela hi ku xi humesela magandzelo ni tinyiko; loko va tiboha hi ku hlambanya ku humesela HOSI Xikwembu xilo xin'wana, va ta endla hilaha va hlambanyeke hakona.

Esaya 30:27

Vonani, HOSI Xikwembu xi ta xi huma kule, xi ta hi xiviri xa xona, vukari bya xona byi pfurha byi humesa papa lero dziva ra musi; milomo ya xona ya tshavatana hi ku hlundzuka, ririmi ra xona ri fana ni ndzilo lowu herisaka hinkwaswo.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.