Malakiya 1:10 - BIBELE Mahungu Lamanene

¹⁰ Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Xitsonga (Bibele)

¹⁰ “I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

Malakiya 1:10 Referans Kwoze

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Vaheveru 10:38

Nandza wa mina wo lulama, ú ta hanya hi ku pfumela, kutani loko a tlhelela endzhaku, moya wa mina a wu nga n'wi tsakeli.”

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

1 Vakorinto 9:13

Xana a mi tivi leswaku lava tirhaka swa mintirho ya Tempele va dya swakudya swa le Tempeleni, ni leswaku lava tisaka magandzelo alitarini va averiwa swa wona ke?

Yohane 10:12

La tirhelaka mali, a nga riki murisi kumbe n'wini wa tinyimpfu, ú siya tinyimpfu a tsutsuma loko a vona xinkankanka xi ta; kutani xinkankanka xi ti vutla ni ku ti hangalasa.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 14:10

HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Malakiya 1:13

Mi vulavula mi ri karhi mi ndzi monya, mi ku: ‘Ndzhwalo wa kona, a hi ku tika ka wona!’ Loko mi ta ni swifuwo leswi yiviweke, kumbe leswi lamaleke ni leswi vabyaka, kutani mi ndzi humesela magandzelo hi swilo leswo tano, mina ndzi nga ka ndzi nga swi amukeli. Ndzi vula sweswo, mina HOSI.

Malakiya 2:12

Un'wana ni un'wana loyi a endlaka swilo leswo tano, HOSI Xikwembu a xi n'wi alele vayimeri exikarhi ka va ka Yakobo, xi n'wi tekela ni lava va nga ta humesa magandzelo hi vito ra yena, va humesela HOSI ya matimba hinkwawo.

2 TIHOSI 12:6

Hambiswiritano, hi lembe ra 23 ra ku fuma ka hosi Yowasi, vaprista a va nga si pfala timfa ta khumbi ra Tempele.

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Malakiya 2:13

Swin'wana leswi mi endlaka swona hi leswi: Mi halatela mihloti alitarini ya HOSI Xikwembu, mi rila mi tlhela mi konya, hikuva Xikwembu a xa ha tsakeli magandzelo ya n'wina; leswi mi swi humesaka, a xa ha swi amukeli.