Luka 9:51 - BIBELE Mahungu Lamanene

⁵¹ Loko nkarhi wa ku susiwa ka yena emisaveni wu lava ku fika, Yesu a kanya mbilu, a khoma ndlela yo ya eYerusalema.

Testamente Leyimpsha Xichangana

⁵¹ Loko nkarhi wa kususiwa ka yena misaveni wulava kufika, Yesu akanya mbilu, akhoma ndlela yoya Yerusalema

Xitsonga (Bibele)

⁵¹ Kakuloko nkarhi wa ku tlakusiwa ka yena wu lava ku fika, a tiyisa mombo wa yena ku ya Yerusalema.

Luka 9:51 Referans Kwoze

Marka 16:19

Kuteloko Hosi Yesu a vulavurile na vona, a tlakuriwa a ya etilweni, a ya tshama evokweni ra xinene ra Xikwembu.

Luka 18:31

Yesu a vitanela lava khume na vambirhi etlhelo, kutani a va byela a ku: “Vonani, hi tlhandlukela eYerusalema, kutani hinkwaswo leswi tsariweke hi vaprofeta ehenhla ka N'wana-wa-Munhu swi ta hetiseka.

Luka 13:22

Yesu a a famba hi miti ni swimitana, a ri karhi a dyondzisa, a khome ndlela leyi yaka eYerusalema.

Luka 17:11

Loko Yesu a ri karhi a kongoma Yerusalema, a lulama ni ndzilekana wa matiko ya Samariya na Galeliya.

1 Petro 3:22

yena loyi a yeke etilweni, kutani sweswi ú le vokweni ra xinene ra Xikwembu, tintsumi ni vafumi ni leswa matimba swi ri ehansi ka yena.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Vaheveru 6:20

Yesu ú nghenile kona ku va murhangeri hikwalaho ka hina, yena la vekiweke Muprista Lonkulu hilaha ku nga heriki, hileswi a nga wa rixaka rin'we na Melkisedeke.

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Vaefesa 1:20

ma ha ri wona lawa xi ma tirhiseke hi ntamu, loko xi pfuxile Kriste eku feni, xi engeta xi n'wi veka evokweni ra xona ra xinene ehenhla matilweni.

Timhaka 1:9

Loko a vulavurile timhaka teto, a tlakuriwa va ri karhi va langutile, kutani papa ri siva, va nga ha n'wi voni.

Timhaka 1:2

ku ya fika siku leri a nga tlakuriwa ha rona a ya etilweni, loko a lerisile, hi Moya lowo Kwetsima, vaapostola lava a a va hlawurile.

Yohane 17:11

A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Yohane 16:28

Ndzi humile eka Tatana, kutani ndzi tile emisaveni; sweswi ndzi tlhela ndzi suka emisaveni, ndzi ya eka Tatana.”

Yohane 16:5

Kambe sweswi ndzi ya eka Loyi a ndzi rhumeke, kutani a ku na un'we wa n'wina loyi a ndzi vutisaka, a ku: ‘U ya kwihi xana?’

Yohane 13:1

Nkhuvo wa Paseka a wu nga si fika, kambe Yesu a a tiva leswaku nkarhi wa yena wu fikile wa ku suka laha misaveni, a ya eka Tatana. A a rhandza vanhu va yena laha misaveni, kutani ú va rhandzile ngopfu ku yisa eku heteleleni.

Yohane 6:62

Mi ta vula yini, siku mi vonaka N'wana-wa-Munhu a tlhandluka a ya laha a a ri kona ni khale xana?

Luka 24:51

Loko a ri karhi a va katekisa, a avana na vona [a tlakuriwa, a ya etilweni].

Luka 19:28

Kuteloko a vulavurile timhaka teto, a hundzela emahlweni, a tlhandlukela eYerusalema.

Luka 19:11

Kakuloko va ha yingisa timhaka teto, Yesu a engeta a va byela xifaniso, hikuva a a ri kusuhi na Yerusalema, kutani vona a va ehleketa leswaku Mfumo wa Xikwembu wu ta hatla wu humelela.

Luka 12:50

Ndzi ni nkhuvulo lowu ndzi fanelaka ku khuvuriwa ha wona, kutani ndzi le ku karhatekeni lokukulu, ku kondza loko nkhuvulo lowu wu hetiseka.

2 TIHOSI 2:11

Loko va ri karhi va famba va vulavula, hi nomu lo kalichi ya ndzilo ni tihanci ta ndzilo swi va hambanisa. Kutani Eliya a tlakuleriwa etilweni hi xihuhuri.

Vafilipiya 3:14

kutani ndzi tsutsuma ndzi kongomile swa le mahlweni leswaku ndzi ta kuma hakelo, ku nga ku vitana ka Xikwembu ha Kriste Yesu, loku ha kona xi hi vitanelaka evutomini bya le henhla.

Luka 9:57

Loko va ha ri endleleni, munhu un'wana a ku ka yena: “Ndzi ta ku landza hinkwako lomu u yaka kona.”