Luka 9:33 - BIBELE Mahungu Lamanene

³³ Loko vavanuna lava va suka va n'wi siya, Petro a ku ka yena: “N'wini wanga, swi sasekile loko hi ri kwala; a hi akeni mintsonga minharhu, wun'wana wa wena, wun'wana wa Muxe, wun'wana wa Eliya.” A a nga tivi lexi a xi vulaka.

Testamente Leyimpsha Xichangana

³³ Loko vavanuna lava vasuka vamusiya, Petrosi aku ka yena: “N'winyi wanga, svisasekile loko hingatshama kola; ahiyakeni mixaxa yinharhu, wun'we wa wena, wun'we wa Moxe, wun'wana wa Eliya.” Aangativi lexi axivulaka.

Xitsonga (Bibele)

³³ Kakuloko va n'wi sukela, Petro a ku eka Yesu: “N'wini, swi nga saseka loko hi tshama kwala; a hi akeni mitsonga minharhu; wun'wana wu va wa wena, wun'wana wa Muxe wun'wana wa Eliya,” kambe a a nga tivi lexi a xi vulaka.

Luka 9:33 Referans Kwoze

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Yohane 14:8

Filipi a ku ka yena: “Hosi, hi kombe Tatana, kutani swi ta va swi hi ringene.”

Luka 5:5

Kambe Simoni a hlamula a ku: “N'wini wanga, hi tirhile vusiku hinkwabyo, hi nga phasi nchumu; kambe hi ku vula ka wena, ndzi ta peta tinkoka.”

Marka 10:38

Yesu a ku ka vona: “A mi tivi lexi mi xi kombelaka. Xana mi nga swi kota ku nwela exinwelweni lexi ndzi nwelaka eka xona, ni ku khuvuriwa hi ku khuvula loku ndzi khuvuriwaka ha kona ke?”

Matewu 17:14

Kuteloko va fikile entshungwini, munhu a ta eka yena, a ta nkhinsama hi matsolo, a ku:

Pisalema 73:28

Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Matewu 17:4

Hiloko Petro a ku ka Yesu: “Hosi, swi sasekile loko hi ri kwala; loko u swi rhandza, ndzi nga aka mintsonga minharhu kwala, wun'wana wa wena, wun'wana wa Muxe, wun'wana wa Eliya.”

Luka 9:34

A ku a ha vula sweswo, papa ri ta, ri ta va funengeta; loko va ri endzeni ka rona, vadyondzisiwa lava va khomiwa hi ku chava.

Luka 9:49

Kutani Yohane a engeta a ku: “N'wini wanga, hi vonile munhu un'wana la hlongolaka mademona hi vito ra wena, kutani hi n'wi siverile, hikuva a nga famba-fambi na hina.”