Luka 8:47 - BIBELE Mahungu Lamanene

⁴⁷ Loko wansati a vonile leswaku ú kumiwile, a ta hi ku rhurhumela, a wela emilengeni ya Yesu, a hlamusela emahlweni ka vanhu hinkwavo leswi a n'wi khumbeleke swona, ni hilaha a hanyisiweke hakona hi ku hatlisa.

Testamente Leyimpsha Xichangana

⁴⁷ Loko wansati avonile lesvaku akumiwile, ata hi kurhurhumela, awela milengeni ya Yesu, ahlamusela mahlweni ka vanhu hinkwavu lesvi amukhumbeleke svona, ni hilaha ahanyisiweke hakona hi kuhantlisa.

Xitsonga (Bibele)

⁴⁷ Kuteloko wansati loyi a vona leswaku u tiviwile, a ta hi ku rhurhumela, a khinsama emilengeni ya yena a tivula emahlweni ka vanhu leswi a n'wi khumbeleke swona, ni laha a horisiweke kan'we.

Luka 8:47 Referans Kwoze

Marka 5:33

Kutani wansati yoloye a khomiwa hi ku chava, a rhurhumela hi ku tiva leswi swi n'wi humeleleke, kutani a ta, a tiwisela hansi emahlweni ka yena, a n'wi byela ntiyiso hinkwawo.

2 Vakorinto 7:15

Hikokwalaho, rirhandzu ra yena eka n'wina ri yile ri kula loko a anakanya hilaha mi yingiseke hakona, n'wina hinkwenu, ni hilaha mi n'wi amukeleke hakona, hi xichavo ni ku rhurhumela.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

1 Vakorinto 2:3

Loko ndzi tile eka n'wina, a ndzi ri la tsaneke, ni ku chava, ni ku rhurhumela ngopfu.

Pisalema 2:11

Tirhelani HOSI Xikwembu hi xichavo, mi rhurhumela emahlweni ka xona.

Timhaka 16:29

Mulanguteri a kombela timboni, a nghena hi ku tsutsuma, a tiwisela emilengeni ya Pawulo na Silasi, a ri karhi a rhurhumela hi ku chava.

1 SAMIELE 16:4

Samiele a endla hilaha HOSI Xikwembu xi n'wi leriseke hakona, a ya eBetlehema. Vakulukumba va muti va n'wi hlanganisa va ri karhi va rhurhumela, va vutisa va ku: “Xana u ta hi moya wa ku rhula xana?”

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

Pisalema 38:9

We N'wini wanga, u tiva hinkwaswo leswi ndzi swi navelaka, ku konya ka mina, wa ku twa.

Vafilipiya 2:12

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Matewu 28:8

Vavasati va suka esirheni hi ku chava ni ku tsaka lokukulu, va tsutsuma va ya tivisa vadyondzisiwa va yena.

Hosiya 13:1

Khale loko va ka Efrayimi va vulavula, a va rhurhumerisa vanhu; a va chaviseka exikarhi ka Vaisraele, kambe sweswi va wele enandzwini wo gandzela Baali, va tivangela rifu.

Hosiya 5:3

Va ka Efrayimi ndza va tiva, ndzi nga ka ndzi nga kohliwi hi va tiko ra Israele; sweswi mi endleke vunghwavava n'wina va ka Efrayimi, tiko ra n'wina ra Israele ri nyamile.

Pisalema 66:16

N'wina hinkwenu lava chavaka Xikwembu, tanani mi ta twa, ndzi mi byela leswi xi ndzi endleleke swona.

Luka 8:46

Kambe Yesu a ku: “Munhu un'wana ú ndzi khumbile hikuva ndzi swi twile loko ku huma matimba man'wana laha ka mina.”

Luka 8:48

Kutani Yesu a ku ka yena: “N'wananga, ku pfumela ka wena ku ku hanyisile, famba hi ku rhula.”