Luka 8:42 - BIBELE Mahungu Lamanene

⁴² hikuva a a ri ni n'wana un'we ntsena wa wanhwanyana, wa malembe yo lava ku ringana 12, loyi a a ri kusuhi ni ku fa. Loko Yesu a suka a ya kona, a kamanyetiwa hi mintshungu.

Testamente Leyimpsha Xichangana

⁴² hikuva aali ni n'wana mun'we ntsena wanhwanyana, wa malembe yolava kuringana khume na mambirhi, lweyi aalikusuhi ni kufa. Loko Yesu asuka ayakona, akamanyetiwa hi xitshungu.

Xitsonga (Bibele)

⁴² hikuva a a ri ni wanhwanyana a ri un'we, loyi malembe ya yena ma lavaka ku endla khume na mambirhi, a lava ku fa.

Luka 8:42 Referans Kwoze

Luka 8:45

Yesu a ku: “I mani la ndzi khumbeke?” Kakuloko va kaneta hinkwavo, Petro a ku: “N'wini wanga, u rhendzeriwe hi mintshungu, kutani ya ku kamanyeta!”

Luka 7:12

Loko a fika kusuhi ni nyangwa ya muti, a vona vanhu lava humaka va rhwele mufi, loyi a a ri n'wana yexe eka mana wa yena wa noni, kutani ntshungu lowukulu wa vanhu va muti a wu heleketa manana loyi.

Varhoma 5:12

Kutani ke, kukotisa leswi ku dyoha ku ngheneke emisaveni hi munhu a ri un'we, kutani rifu ri ngheneke hikwalaho ka ku dyoha, hi mukhuva wolowo rifu ri tlulele vanhu hinkwavo, hikuva hinkwavo va dyohile.

Marka 5:24

Kutani Yesu a famba na yena; ntshungu lowukulu a wu n'wi landzelela, wu n'wi kamanyeta.

Ezekiele 24:25

HOSI Xikwembu xi engeta xi ku ka mina: “Wena Ezekiele, tiva leswaku siku ri le kusuhi leri ndzi nga ta tekela Vaisraele ekhokholo ra vona, yona Tempele leyi va tiyaka ni ku tidzunisa ha yona, leyi va yi rhandzaka swinene ni ku yi anakanya minkarhi hinkwayo; ri fikile siku leri vana va vona va xinuna ni va xisati va nga ta dlayiwa ha rona.

Ezekiele 24:16

“Swi tive we Ezekiele, ndzi le kusuhi ni ku ku tekela murhandziwa wa wena hi ndlela ya xitshuketa. U nga n'wi rili, ni mihloti ya wena yi nga humi.

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Ntirho 4:20

Munhu hambi o vona ku xa ka rona, ku pela ka rona a nga ha ku voni; ú lovela makumu, a nga ha tsundzukiwi hi munhu ni un'we.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Luka 8:41

Kutani ku ta wanuna loyi a va ku i Yayiro, loyi a a ri murhangeri wa sinagoga; a wa emilengeni ya Yesu, a n'wi khongela leswaku a nghena emutini wa yena,

Luka 8:43

Kutani a ku ri na wansati kwalaho loyi a a ri ni vuvabyi bya ngati lebyi nga n'wi karhata malembe ya 12; [a a hetile xuma xa yena hinkwaxo etin'angeni], ku nga ri na munhu la kotaka ku n'wi hanyisa.