Luka 8:32 - BIBELE Mahungu Lamanene

³² A ku ri ni ntlhambi lowukulu wa tinguluve kwalaho, leti a ti ri eku dyeni egangeni. Mademona ma kombela hi matimba eka Yesu leswaku a ma pfumelela ku ya nghena eka tona. Kutani a ma pfumelela.

Testamente Leyimpsha Xichangana

³² Akuli ni ntlhambi lowukulu wa makhumba kolaho, lawa amali kujeni le gangeni. Madimoni makombela svinene ka Yesu lesvaku amapfumelela kuyanghena ka wona. Kutani amapfumelela.

Xitsonga (Bibele)

³² Ntlhambi lowukulu wa tinguluve a wu ri kona entshaveni, wu dya. Kutani mademona ma n'wi khongela leswaku a ma pfumelela ku nghena eka wona, kutani a ma pfumelela.

Luka 8:32 Referans Kwoze

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Esaya 65:4

Va tshama emasirheni, va xwa vusiku va ri exihundleni; va dya nyama ya tinguluve, va nyamisa swibya swa vona hi ku chela eka swona swakudya leswi yilaka.

Nhlavutelo 20:7

Loko malembe ya 1 000 ma ta va ma hundzile, Sathana ú ta ntshunxiwa eku khotsiweni ka yena,

1 Yohane 4:4

Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

Yohane 19:11

Yesu a hlamula, a ku: “A wu nga ta va ni matimba ehenhla ka mina ni kutsongo, loko a wu nga nyikiwanga hi Tilo. Hikokwalaho, loyi a nga ndzi nyiketa eka wena, ú ni nandzu lowukulu ngopfu.”

Pisalema 62:11

Xikwembu xi vulavurile, ndzi xi twile ko tala xi ku: “Hi mina ndzi nga ni matimba!”

Ntirho 2:6

HOSI Xikwembu xi hlamula Sathana xi ku: “Hiswona! Ndzi ku nyiketa yena, ntsena u nga n'wi dlayi.”

Ntirho 1:12

HOSI Xikwembu xi ku ka Sathana: “Hinkwaswo leswi Yobo a nga na swona, ndzi ku nyiketa swona, kambe yena u nga tshuki u n'wi khumba.” Kutani Sathana a suka emahlweni ka HOSI Xikwembu.

Ntirho 1:10

hikuva wa n'wi sirhelela matlhelo hinkwawo, yena ni muti wa yena ni swilo swa yena hinkwaswo. U n'wi katekisile emintirhweni ya yena, kutani rifuwo ra yena ri andzile ngopfu etikweni.

1 TIHOSI 22:22

Moya wu hlamula wu ku: ‘Ndzi ta nghena emilon'weni ya vaprofeta va Akabu ndzi ri moya wa mavunwa.’ Xikwembu xi ku: ‘Hiswona, n'wi yenge, u ta swi kota. Famba u ya endlisa sweswo.’ ”

Levhitika 11:7

ni nguluve; yi ni swinyondzwana leswi avaneke hi le xikarhi, kambe eka n'wina a yi ve leyi nga tengangiki, hikuva a yi gayeli.

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Luka 8:31

Kutani ma khongela Yesu leswaku a nga ma lerisi ku huma ma ya exivandleni xa va le hansi.

Luka 8:33

Kavaloko mademona ma huma eka munhu yoloye, ma nghena etingulubyeni, kutani hinkwato ti tsutsumela eriweni, ti ya tihoxa exidziveni, ti nwela kona.