Luka 8:3 - BIBELE Mahungu Lamanene

³ na Yohana, nkata Khuza ndhuna ya Heroda, na Suzana, ni vavasati van'wana lavo tala lava a va tirhisa swa vona ku pfuna Yesu ni vadyondzisiwa va yena.

Testamente Leyimpsha Xichangana

³ na Jowana, nkata Khuza ndhuna ya Heroda, na Suzana, ni vavasati van'wana lavotala lava avatirhisa sva vona kupfuna Yesu ni vajondzisiwa va yena.

Xitsonga (Bibele)

³ na Yohana, nsati wa Khuza, ndhuna ya Heroda, na Suzana, ni van'wana lavo tala lava n'wi tirheleke hi leswi ngi va ri na swona.

Luka 8:3 Referans Kwoze

1 Timotiya 5:10

naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

Vafilipiya 4:22

Vahlawuriwa hinkwavo va mi rungula, ngopfu va muti wa Khezari.

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

Matewu 26:11

Hikuva, loko swi ri swisiwana, mi ta va na swona hi masiku hinkwawo, kambe mina, ndzi nga ka ndzi nga vi na n'wina hi masiku hinkwawo.

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Esaya 23:18

Mali leyi vaaki va Tiri va nga ta yi kuma emabindzwini ya vona, va ta yi nyiketa eka HOSI Xikwembu; a yi nga hlengeletiwi yi vekiwa, kambe yi ta tirha ku xava swakudya leswo tala ni swiambalo leswo saseka, swi nyikiwa lava tirhelaka HOSI Xikwembu.

1 TIKRONIKA 29:14

Davhida a engeta a ku: “Mina a ndzi nchumu, ni vanhu va mina a hi nchumu! Xana hi nga ku humesela yini xana? Hinkwaswo leswi hi nga na swona swi huma eka wena, kutani ho ku tlherisela leswi nga swa wena!

Luka 24:10

Vavasati lava, a va ri va Mariya wa Magadala, na Yohana, na Mariya mana wa Yakobo; kutani vona ni van'wana lava a va ri na vona, va vikela vaapostola timhaka teto.

Timhaka 13:1

Ekerekeni ya le Antiyoka, a ku ri ni vaprofeta ni vadyondzisi van'wana, va nga Barnaba, na Simiyoni loyi a va ku i Nigere, na Lukiyo wa Kirena, na Manaheme loyi a nga kula swin'we na hosi Heroda, na Sawulo.

Matewu 14:1

Enkarhini wolowo, loko ku twakala ka Yesu ku fikile etindleveni ta hosi Heroda,

Matewu 14:3

Mhaka hi leswaku Heroda a a khomile Yohane, a n'wi boha, a n'wi nghenisa ekhotsweni hikwalaho ka Herodiya, nkata Filipi makwavo;

Matewu 14:6

Kambe enkhubyeni wa siku ra ku velekiwa ka Heroda, n'wana wa Herodiya wa xisati a cina emahlweni ka vanhu, a tsakisa Heroda;

Matewu 20:8

“Kutani nimadyambu n'wini wa nsimu ya vhinya a ku ka mulanguteri wa swilo swa yena: ‘Vitana vatirhi, u va nyika hakelo ya vona; u ta sungula hi lava nga ta endzhaku, u hetelela hi lava nga rhanga va ta.’

Matewu 27:55

A ku ri ni vavasati lavo tala kwalaho, a va languta va ri kule. A va ri lava a va landzelele Yesu ni ku n'wi tirhela loko a huma eGaleliya.

Yohane 12:6

A a vurisa sweswo, ku nga ri hileswi a a ri ni mhaka ni swisiwana, kambe hileswi a a ri khamba. A a ri mutameri wa nkwama wa mali, kutani a a tolovele ku pambula leswi cheriweke kona.