Luka 8:24 - BIBELE Mahungu Lamanene

²⁴ Va ya n'wi pfuxa va ku: “Hosi, Hosi, ha lova!” Hiloko a pfuka a yima, a tshinya moya ni magandlati, swi va swi miyela, ku rhula ku va kona.

Testamente Leyimpsha Xichangana

²⁴ Vaya mupfuxa vaku: “Hosi, Hosi, halova!” Hi loko apfuka ayima, atshinya moya ni magandlati, sviva svimiyela, kurhula kuva kona.

Xitsonga (Bibele)

²⁴ Kutani va tshinelela, va n'wi pfuxa evurhongweni, va ku: “N'wini, n'wini, ha lova!” Kutani a pfuka, a yima, a tshinya moya ni magandlati, kutani swi miyela, ku rhula ku va kona.

Luka 8:24 Referans Kwoze

Luka 4:39

Kavaloko Yesu a yima kusuhi na yena, a tshinya vuvabyi, kutani byi suka; hiloko wansati a hatla a pfuka, a va tirhela.

Luka 5:5

Kambe Simoni a hlamula a ku: “N'wini wanga, hi tirhile vusiku hinkwabyo, hi nga phasi nchumu; kambe hi ku vula ka wena, ndzi ta peta tinkoka.”

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Pisalema 65:7

U miyeta huwa ya lwandle ni magandlati ya rona, u herisa na pongo ra vanhu va matiko.

Matewu 14:30

Kambe loko a vona mheho, a khomiwa hi ku chava; kutani loko a sungula ku mbombomela, a huwelela a ku: “Hosi, ndzi ponise!”

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Matewu 8:25

Kutani va ya n'wi pfuxa, va ku: “Hosi, hi ponise, ha lova!”

Marka 4:39

Hiloko a pfuka, a tshinya mheho, a ku ka lwandle: “Miyela, u ku ntse!” Mheho yi va yi miyela, ku va ni ku rhula lokukulu.

Luka 4:35

Kambe Yesu a wu tshinya, a ku: “Miyela! Huma ka munhu yoloye!” Hiloko demona ri wisa munhu loyi exikarhi ka ntshungu, ri huma eka yena, kambe ri nga n'wi vavisanga.

Luka 8:25

Kutani a ku ka vona: “Xana ku pfumela ka n'wina ku kwihi ke?” Vona va chava, va hlamala, va vutisana va ku: “Xana i munhu muni loyi, leswi a lerisaka mheho ni lwandle, swi vuya swi n'wi yingisa ke?”