Luka 8:13 - BIBELE Mahungu Lamanene

¹³ Timbewu leti nga wela emaribyeni, i vanhu lava amukelaka Rito hi ku tsaka siku va ri twaka, kambe va pfumala timitsu, va tiyisela nkarhinyana ntsena; kutani hi siku ra ndzingo va tlhelela ndzhaku.

Testamente Leyimpsha Xichangana

¹³ Timbewu letingawela maribzeni, i vanhu lavayamukelaka Rito hi kutsaka siku leri varitwaka, kambe vapfumala timintsu, vatiyisela nkarhinyana ntsena; kutani hi siku ra ndzingo vatlhelela ndzhaku.

Xitsonga (Bibele)

¹³ Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

Luka 8:13 Referans Kwoze

Yohane 5:35

Yohane a a ri rivoni leri pfurhaka ni ku vangama; kutani n'wina mi swi nkhensile, mi tsakela hi nkarhinyana ku vonakala ka yena.

Hosiya 6:4

Xana ndzi ta endla yini hi n'wina va ka Efrayimi xana? Na n'wina va ka Yuda, ndzi ta endla yini hi n'wina xana? Ku tshembeka ka n'wina ku fana ni hunguva nimixo, ku fana ni mberha leyi hatlisaka ku dzudzeka.

Ezekiele 33:32

Va ri, wena wo va nsini, u va yimbelelela risimu ro tsakisa, u fana ni loyi a kotaka ku chaya swichaya-chayani, hikuva leswi u swi vulaka, va swi twa kambe a va nga endli.

Swivuriso 12:12

Lowo homboloka ú navela bindzu ra lavo biha, kasi lavo lulama va ni timitsu leti nga simulekiki.

Yuda 1:12

Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

2 Petro 2:22

Swi va humelele hilaha xivuriso xa ntiyiso xi vuleke hakona, loko xi te: “Mbyana yi vuyela emahlanteni ya yona.” Naswona: “Nguluve, loko yi hlantswiwile, yi tlhela yi puluvundza endzhopeni!”

2 Petro 2:20

Hikuva, loko vanhu va pona thyaka ra misava hi ku tiva Hosi ya hina ni Muponisi Yesu Kriste, kutani va tlhela va phasiwa ni ku hluriwa hi swona, xiyimo xa vona xo hetelela xi bihile ku tlula lexo sungula.

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.

Vaefesa 3:17

ni leswaku Kriste a aka etimbilwini ta n'wina hi ku pfumela. Ndzi khongela leswaku mi mila timitsu erirhandzwini ni ku veka masungulo ya n'wina ehenhla ka rona,

Esaya 58:2

Masiku hinkwawo va lava ku tiva ku rhandza ka mina, va tiendla lava tsakelaka tindlela ta mina, wonge hi loko va ri vanhu lava endlaka leswi lulameke, lava nga tshikangiki milawu ya Xikwembu xa vona. Va lava leswaku ndzi va komba ndlela ya leswo lulama, va ri va tsakela ngopfu ku ndzi gandzela!

Yakobo 2:26

Hikokwalaho, tanihi leswi miri lowu nga hava moya wu feke, ku pfumela na kona loku nga hava mintirho ku file.

1 Timotiya 1:19

u hlayisa ku pfumela hi ripfalo leri ntshunxekeke. Hi ku dlaya mapfalo ya vona, van'wana va onhakeriwile hi ku pfumela.

1 Vatesalonika 3:5

Hikokwalaho, hi ku vona leswaku a ndzi nga ha koti ku tiyisela, ndzi rhumerile rito, leswaku ndzi ta twa ta ku pfumela ka n'wina; a ndzi chava leswaku kumbexana muringi a nga va a mi ringile, ni leswaku ku tikarhata ka hina ku nga va ku hundzukile swa hava.

Vakolosa 2:7

mi dzimile timitsu ni ku veka masungulo ya n'wina eka yena; tiyani eku pfumeleni, hilaha mi dyondzisiweke hakona, mi ri karhi mi nkhensa kambe na kambe.

Vagalatiya 3:4

Xana leswikulu leswi swi mi humeleleke, swi nga va swi hundzukile swa hava ke? Hakunene a swi vanga swa hava!

Vagalatiya 3:1

Yo! Vagalatiya, maphuphula ndzin'wina! Mi yengiwile hi mani xana, n'wina lava mi hlamuseriweke swinene ta ku vambiwa ka Yesu Kriste exihambanweni, onge hi loko swi humelerile mi ri karhi mi swi vona hi mahlo?

1 Vakorinto 15:2

ma karhi ma ponisiwa ha wona, loko kunene mi hlayisa vumbhoni bya mina eka wona, ni loko ku pfumela ka n'wina eka wona ku nga vanga ka hava.

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Swivuriso 12:3

Munhu wa mintirho yo homboloka, a nga hlweli ku wela hansi, kasi munhu wo lulama ú ni timitsu leti nga simulekiki.

Ntirho 19:28

Loko mi vula leswaku mi lava ku engeta mi ndzi xanisa, mi ko mi kuma xivangelo xa khombo leri ra mina,

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

1 Vakorinto 13:2

Ni loko kumbe ndzi ri ni matimba yo vula Rito, ndzi ri ni ku twisisa swihundla hinkwaswo ni vutivi hinkwabyo, ni loko ndzi ri ni ku pfumela hinkwako, ndzi ko ndzi susa tintshava, kambe ndzi nga ri na rirhandzu, a ndzi nchumu.

Marka 6:20

hikuva Heroda a a chava Yohane, hi ku tiva leswaku i munhu wo lulama, la hlawulekeke; kutani a a n'wi lwela. Masiku hinkwawo loko a twa Yohane, a a kanakana swinene; hambiswiritano a a tsakela ku n'wi yingisa.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Luka 8:12

Leti nga wela endleleni, i vanhu lava twaka Rito; kutani Diyavulosi a ta, a ri susa etimbilwini ta vona, leswaku va ta ka va nga pfumeli, va nga ponisiwi.

Luka 8:14

Timbewu leti nga wela emitweni, i vanhu lava tweke Rito, kambe loko va ri karhi va ya emahlweni, va kamanyetiwa hi ku vilela, ni rifuwo, ni ku titsakisa hi swa vutomi lebyi, kutani va nga ha veki mihandzu leyi vupfaka.