Luka 8:10 - BIBELE Mahungu Lamanene

¹⁰ Kutani a ku: “N'wina, mi nyikiwile ku tiva swihundla swa Mfumo wa Xikwembu, kambe van'wana va nyikiwa swona hi swifaniso, leswaku: “ ‘Ni loko va vona, va nga vonisisi, ni loko va twa, va nga twisisi.’

Testamente Leyimpsha Xichangana

¹⁰ Kutani aku: “N'wina, minyikiwile kutiva svihundla sva Mfumu wa Xikwembu, kambe van'wana vanyikiwa svona hi svifaniso, lesvaku:” “‘Ni loko vavona, vangavonisisi, ni loko vatwa, vangatwisisi.’”

Xitsonga (Bibele)

¹⁰ Yena a ku: “N'wina mi nyikiwile ku tiva swihundla swa ku fuma ka Xikwembu, kambe van'wana va swi twa hi swifaniso, leswaku hambi va vona, va nga vonisisi, hambi va twa, va nga twisisi.

Luka 8:10 Referans Kwoze

Esaya 6:9

Kutani a ku: “Famba u ya byela vanhu lava, u ku: “ ‘Ku twa mi ta twa, kambe a mi nga twisisi; ku vona mi ta vona, kambe a mi nga vonisisi!’ ”

Marka 4:11

Kutani a ku ka vona: “N'wina mi nyikiwile ku tiva xihundla xa Mfumo wa Xikwembu, kasi eka lava va nge handle, hinkwaswo swi humelela hi swifaniso.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Vakolosa 2:2

Ndzi lava leswaku timbilu ta vona ti tiyisiwa, ni leswaku va khomana swin'we hi rirhandzu, kutani va ta fumisiwa hi matlhelo hinkwawo hi ku nyikiwa ku twisisa loku hetisekeke, leswaku va tiva xihundla xa Xikwembu, a nga Kriste;

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Matewu 16:17

Yesu a hlamula a ku: “U katekile Simoni n'wana Yona, hikuva a hi munhu wa misava la nga ku pfuletela sweswo, kambe i Tata wa mina wa le tilweni.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

1 Vakorinto 12:11

Kambe hinkwaswo leswi i ntirho wa Moya wolowo wun'we, lowu avelaka tinyiko to hambana eka munhu un'wana ni un'wana hilaha wu rhandzaka hakona.

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Esaya 29:14

Hikokwalaho, vanhu lava ndzi ta tlhela ndzi va hlamarisa, va ta hlamala ku tlula mpimo; vutlhari bya tintlhari ta vona byi ta nyamalala, lavo twisisa exikarhi ka vona, va ta lahlekeriwa hi ku twisisa ka vona.”

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”