Luka 7:37 - BIBELE Mahungu Lamanene

³⁷ A ku ri ni wansati wa mudyohi emutini wolowo; loko a twa leswaku Yesu ú tshamile eswakudyeni endlwini ya Mufarisi, a tisa ximbitana xa ribye ro basa lexi teleke hi mafurha layo nun'hwela.

Testamente Leyimpsha Xichangana

³⁷ Akuli ni wansati wa mujohi doropeni rolero; loko atwa lesvaku Yesu atshamile kujeni ndlwini ya Mufarisi, atisa ximbitana xa ribze robasa lexitaleke hi mafurha yonun'hwela.

Xitsonga (Bibele)

³⁷ Kutani wansati wa muti, wa xidyohi, kakuloko a twa leswaku u tshame eswakudyeni endlwini ya Mufarisi, a tisa ximbitana xa alabastera lexi teleke mafurha layo nun'hwela.

Luka 7:37 Referans Kwoze

Luka 5:32

A ndzi tanga ku ta vitana lava lulameke, kambe vadyohi, leswaku va hundzuka.”

Matewu 21:31

Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu.

1 Petro 4:18

Naswona, va te: “Loko munhu wo lulama a pona hi ku nonon'hwa, xana lava sandzaka Xikwembu ni lava dyohaka, va ta kumeka va ri ka xiyimo xihi ke?”

1 Timotiya 1:9

a ri karhi a twisisa leswaku milawu a yi vekeriwanga lava lulameke, kambe yi vekeriwile lavo homboloka ni lava tiarisaka; yi endleriwile lava nga chaviki Xikwembu, ni lava dyohaka, ni lava nga khongeriki, ni lava sandzaka leswo hlawuleka, ni lava dlayaka vatata wa vona kumbe vamana wa vona; milawu leyi yi avanyisa swigevenga,

Luka 18:13

Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Luka 5:30

Vafarisi ni vatsari va ntlawa wa vona va n'unun'uta va ku ka vadyondzisiwa va yena: “Xana mi dyela yini ni valuvisi ni vadyohi, mi nwela yini na vona ke?”

Varhoma 5:8

Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

Yohane 11:2

(Mariya, hi yena loyi a tshamaka a tota Hosi hi mafurha layo nun'hwela, a tlhela a n'wi sula milenge hi misisi ya yena; kutani Lazaro loyi a a vabya loyi, a a ri makwavo wa yena.)

1 Timotiya 1:15

Rito leri ri tiyile, ri fanele ku amukeriwa hi mandla mambirhi, leri nge: “Kriste Yesu ú tile emisaveni ku ta ponisa vadyohi.” Kutani eka vadyohi lava, mina ndzi lowo rhanga hi ku biha.

Yohane 9:31

Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Yohane 9:24

Va tlhela va vitana kambe munhu loyi a a file mahlo, va ku ka yena: “Hlambanya emahlweni ka Xikwembu! Hina ha swi tiva leswaku munhu loyi i mudyohi.”

Luka 19:7

Kambe loko vanhu va swi vona, va vilela hinkwavo va ku: “Ú nghenile eka wanuna wa mudyohi ku ya rhurheriwa kona.”

Luka 7:34

N'wana-wa-Munhu ú tile a dya, a nwa, kutani mi ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’

Luka 7:36

Un'wana wa Vafarisi a rhamba Yesu ku ta ta dya na yena. Hiloko a nghena ndlwini ya Mufarisi loyi, a tshama eswakudyeni.