Luka 7:19 - BIBELE Mahungu Lamanene

¹⁹ Kutani Yohane a hlawula vambirhi exikarhi ka vona, a va rhuma eka Hosi ku ya vutisa va ku: “Xana hi wena loyi va nge wa ta, kumbe ha ha langutela un'wana ke?”

Testamente Leyimpsha Xichangana

¹⁹ Kutani Yohani ahlawula vambirhi xikarhi ka vona, avarhuma ka Hosi kuyavutisa vaku: “Xana hi wena lweyi vange wata, kumbe hahalangutela mun'wana ke?”

Xitsonga (Bibele)

¹⁹ Kutani Yohane a vita vadyondzisiwa va yena vambirhi, a va rhuma eka Yesu, a ku: “Xana hi wena la fanekeleke ku ta, kumbe ha ha langutela un'wana?”

Luka 7:19 Referans Kwoze

Yohane 4:25

Wansati a ku ka yena: “Ndza swi tiva leswaku Mesiya, loyi a vuriwaka Kriste, wa ta; siku a taka, ú ta hi tivisa swilo hinkwaswo.”

Luka 10:1

Endzhaku ka sweswo Hosi yi veka van'wana va 72 yi va rhuma ha vambirhi-mbirhi, leswaku va yi rhangela emahlweni, emitini hinkwayo ni hinkwako lomu yi anakanyaka ku hundza hi kona.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 22:18

Kutani vanhu hinkwavo laha misaveni va ta katekisiwa hikwalaho ka vatukulu va wena, hikuva wena u yingisile rito ra mina.’ ”

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Nhlavutelo 11:3

Ndzi ta nyika timbhoni ta mina timbirhi ematimba yo vula Rito hi masiku lawa ya 1 260, ti ambele tinguvu leto khwaxa.”

Marka 6:7

A vitana lava khume na vambirhi, a va rhuma ha vambirhi-mbirhi, a va nyika matimba yo hlula mimoya ya thyaka.

Luka 7:13

Loko Hosi Yesu a n'wi vona, a n'wi twela vusiwana, a ku ka yena: “U nga rili.”

Luka 7:20

Loko vavanuna lava va fikile eka Yesu, va ku: “Yohane Mukhuvuri ú hi rhumile eka wena, ú te: ‘Xana hi wena loyi va nge wa ta, kumbe xana ha ha langutela un'wana ke?’ ”

Luka 11:1

Yesu a a khongela exivandleni xin'wana; loko a hetile, un'wana wa vadyondzisiwa va yena a ku ka yena: “Hosi, hi dyondzise ku khongela, hikuva Yohane na yena ú dyondzisile vadyondzisiwa va yena.”

Luka 11:39

Kutani Hosi yi ku ka yena: “N'wina Vafarisi, mi hlantswa ndzheko ni nkambana ehandle, kasi endzeni mi tele makwanga ni lunya.

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Luka 13:15

Kambe Hosi yi n'wi hlamula yi ku: “N'wina vakanganyisi, ma swi tiva swinene: Hi siku ra Savata, n'wina hinkwenu a mi chavi ku ntshunxa homu ya n'wina kumbe mbhongolo ya n'wina, mi ya na yona ematini.

Luka 17:5

Vaapostola va ku ka Hosi: “Hi engetelele ku pfumela.”

Luka 17:6

Hosi yi ku: “Loko mi ri ni ku pfumela loku ringanaka ni ndzhoho ya murhi wa sinapi, a mi ta ku ka murhi wa nkuwa lowu: ‘Tisimule, u ya tisimeka elwandle!’ Kutani a wu ta mi yingisa.

Luka 18:6

Kutani Hosi yi ku: “Yingisani leswi vuriwaka hi muavanyisi loyi wo ka a nga tshembekanga.

Luka 19:8

Hiloko Zakiya a suka a yima, a ku ka Hosi: “Vona Hosi, ndzi ta avanyisa rifuwo ra mina hi le xikarhi, ndzi nyika swisiwana; ni loko ndzi tekile xilo xa munhu hi ku n'wi xisa, ndzi ta n'wi tlherisela xona ka mune.”

Luka 22:61

Kutani Hosi yi hundzuluka, yi languta Petro; kavaloko Petro a tsundzuka rito ra Hosi, loko yi te ka yena: “Nkuku wu nga si ringa, u ta va u ndzi landzurile kanharhu.”

Luka 24:34

va ri karhi va rungulelana va ku: “Hakunene Hosi yi pfukile eku feni, naswona yi tikombile eka Simoni.”

Yohane 4:1

Vafarisi a va twile mahungu ya vanhu lava nge: “Yesu ú tlula Yohane hi ku kuma vadyondzisiwa ni ku khuvula.”

Yohane 6:23

Hambiswiritano, mabyatso man'wana lama humaka eTiberiyo ma tile ma ta fika kusuhi ni laha va nga dyela kona xinkwa, loko Hosi yi khongerile.

Yohane 11:2

(Mariya, hi yena loyi a tshamaka a tota Hosi hi mafurha layo nun'hwela, a tlhela a n'wi sula milenge hi misisi ya yena; kutani Lazaro loyi a a vabya loyi, a a ri makwavo wa yena.)