Luka 6:42 - BIBELE Mahungu Lamanene

⁴² U nga vurisa ku yini eka makwenu u ku: ‘Makwerhu, ndzi tshike ndzi susa xilavi etihlweni ra wena’, kambe u nga voni ntsandza lowu nge tihlweni ra wena ke? Mukanganyisi! Rhanga u susa ntsandza lowu nge tihlweni ra wena; hi kona u nga ta vona swinene, u kota ku susa xilavi lexi nge tihlweni ra makwenu.

Testamente Leyimpsha Xichangana

⁴² Umubzelisa kuyini makwenu uku: ‘Makwerhu, nitshike nisusa xilavi tihlweni ra wena’, kambe awuvoni ntsandza lowu wunga tihlweni ra wena ke? Mukanganyisi! Rhanga ususa ntsandza lowunga tihlweni ra wena; hi kona ungatakota kuvona svinene kususa xilavi lexinga tihlweni ra makwenu.

Xitsonga (Bibele)

⁴² Kumbe u nga vurisa ku yini eka makwenu, u ku: ‘Tshika, ndzi pfuta xilavi etihlweni ra wena,’ kasi wena a ku voni ntsandze lowu nga le tihlweni ra wena? N'wamanyunyu, rhanga u pfuta ntsandze lowu nga le tihlweni ra wena, hilaha u nga ta vona ku pfuta xilavi lexi nga le tihlweni ra makwenu.

Luka 6:42 Referans Kwoze

2 Petro 1:9

Hikuva loyi a pfumalaka swilo leswi, ú file mahlo, a nga voni kule, naswona wa rivala leswaku ú susiwile swidyoho swa yena swa khale.

2 Timotiya 2:21

Hikokwalaho, loko munhu a tibasisa eka swilo leswitsongo, ú ta va xibya xo tirha leswikulu, lexi hlawulekeke ni ku pfuna n'wini wa yindlu, xi yimela ku tirha ntirho wihi na wihi lowunene.

2 Vakorinto 5:18

Hinkwaswo leswi swi huma eka Xikwembu, lexi nga endla leswaku hi vuyelelana na xona ha Kriste; kutani xi hi nyikile ntirho wo endla leswaku vanhu va vuyelelana na xona.

Varhoma 2:1

Loko swi ri tano, wena munhu la avanyisaka van'wana, a wu na ku tilandzula, hambi u nga va mani kumbe mani, hikuva loko u ri karhi u avanyisa van'wana, na wena wa tiavanyisa, leswi wena muavanyisi wa van'wana, u endlaka swo leswi vona va swi endlaka.

Timhaka 13:10

“Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Timhaka 8:21

Ntirho lowu a hi wa wena, a wu ngheni eka wona, hikuva mbilu ya wena a yi lulamanga emahlweni ka Xikwembu.

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Luka 22:32

kambe mina ndzi ku khongelerile, leswaku ku pfumela ka wena ku nga tshuki ku titivala. Kutani wena, loko u ta va u hundzukile, u ta tiyisa vamakwenu.”

Luka 13:15

Kambe Hosi yi n'wi hlamula yi ku: “N'wina vakanganyisi, ma swi tiva swinene: Hi siku ra Savata, n'wina hinkwenu a mi chavi ku ntshunxa homu ya n'wina kumbe mbhongolo ya n'wina, mi ya na yona ematini.

Matewu 26:75

Kutani Petro a tsundzuka rito leri vuriweke hi Yesu, loko a te: “Nkuku wu nga si ringa, u ta va u ndzi landzurile kanharhu.” Kavaloko a humela ehandle, a ya rila hi xiviti.

Swivuriso 18:17

Munhu loyi a rhangaka a boxa mhaka ya yena, ú vonaka a vulavula ntiyiso, ku kondza ku humelela loyi a n'wi kanetaka.

Matewu 7:3

U langutela yini xilavi lexi nga tihlweni ra makwenu, kambe u nga koti ku vona ntsandza lowu nga tihlweni ra wena, xana?

Matewu 7:4

U nga vurisa ku yini eka makwenu, u ku: ‘Ndzi tshike ndzi susa xilavi etihlweni ra wena’, xana? Kasi vona, ku ni ntsandza etihlweni ra wena!

Luka 6:41

“U langutela yini xilavi lexi nge tihlweni ra makwenu ke? Kasi wena u ni ntsandza etihlweni ra wena, lowu u nga wu voniki!

Luka 6:43

“A ku na murhi lowo nandziha lowu vekaka mihandzu leyo biha, naswona a ku na murhi lowo biha lowu vekaka mihandzu leyo nandziha.