Luka 6:38 - BIBELE Mahungu Lamanene

³⁸ Nyikani, mi ta nyikiwa; endzeni ka nkhancu lowu mi wu hakarhaka exifuveni, ku ta cheriwa mpimo lowu tivikanaka, lowu gandliweke, lowu hlunguhliweke, lowu khapaka; hikuva mpimo lowu mi pimelaka van'wana ha wona, mi ta pimeriwa ha wona na n'wina.”

Testamente Leyimpsha Xichangana

³⁸ Nyikani van'wana, na n'wina mitanyikiwa; vataminyika, mpin'wini lowutaleke wutlhela wujinjiwa, wuhlunguhliwa, wuva wuhalakela; hikuva mpimo lowu mipimelaka van'wana ha wona na n'wina, mitapimeliwa ha wona.”

Xitsonga (Bibele)

³⁸ Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

Luka 6:38 Referans Kwoze

Duteronoma 15:10

Mi ta n'wi nyika mi ntshunxekile, ku nga ri hi timbilu leti vilelaka, kutani HOSI Xikwembu xa n'wina xi ta mi katekisa emintirhweni ya n'wina hinkwayo, ni ka hinkwaswo leswi mi swi endlaka.

Marka 4:24

Yesu a engeta a va byela a ku: “Yingisani swinene leswi mi swi twaka. Mpimo lowu mi pimelaka van'wana ha wona, na n'wina, mi ta pimeriwa ha wona, ni ku tlula kwalaho.

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Swivuriso 22:9

Munhu loyi a hananaka, ú ta katekisiwa, hikuva leswi a nga na swona, ú dya ni swisiwana.

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Swivuriso 10:22

Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Matewu 10:42

Ndzi tiyisile ndzi ri ka n'wina: Un'wana ni un'wana la nyikaka hambi wu ri ndzheko wa mati yo titimela eka un'wana wa lavatsongo lava, hi ku tiva leswaku i mudyondzisiwa wa mina, a nga ka a nga pfumari hakelo ya yena.”

Luka 6:30

Nyika mani na mani la kombelaka eka wena; ni loko munhu a ku tekela swa wena, u nga n'wi londzi.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Pisalema 79:12

We N'wini wa hinkwaswo, leswi vaakelani va hina va ku hlekuleke, va tlherisele ka-7 leswi va ku endleke swona.

Estere 9:25

kambe loko Estere a yile eka hosi, yi humesile xileriso lexi tsariweke, leswaku makungu lawa yo biha lawa Hamani a a ma endlerile Vayuda, ma tlhela ma vangela yena n'wini wa wona ekhombo, ni leswaku yena Hamani ni vana va yena va hayekiwa etimhandzeni.

Vaavanyisi 1:7

Kutani Adoni-Bezeki a ku: “Tihosi ta 70 leti ndzi ti tsemeke makhudzu ya milenge ni ya mavoko, a ti hamba ti rholela mahlanhla laha ndzi dyaka kona; kutani, leswi ndzi swi endleke eka tona, Xikwembu xi swi tlheriserile eka mina.” Kutani va famba na yena eYerusalema, a ya fela kona.

Estere 7:10

Hosi yi ku: “Hayekani yena Hamani eka tona!” Kutani va hayeka Hamani etimhandzeni leti a a ti dzimerile ku hayeka Mordekayi eka tona. Kutani vukari bya hosi byi vohla.

Yeremiya 32:18

Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Eksoda 21:24

tihlo hi tihlo, tino hi tino, voko hi voko, nenge hi nenge,

2 SAMIELE 19:36

Mina nandza wa wena ndzi ta ku heleketanyana, ndzi ya tlhela loko ha ha ku pela nambu wa Yordani, kutani hikwalaho ka yini wena hosi n'wini wanga u lava ku ndzi nkhensa hi nyiko yo tano, xana?