Luka 6:26 - BIBELE Mahungu Lamanene

²⁶ “Mi ni khombo n'wina loko vanhu hinkwavo va mi dzunisa, hikuva vatata wa vona va endlisile sweswo eka vaprofeta va mavunwa.

Testamente Leyimpsha Xichangana

²⁶ “Mi ni khombo n'wina loko vanhu hinkwavu vamidzunisa, hikuva vatatana va vona vayendlisile svosvo ka vaprofeta va mavunhwa.”

Xitsonga (Bibele)

²⁶ Mi ni khombo n'wina siku vanhu hinkwavo va mi dzunisaka, hikuva vatata wa vona va endlisile sweswo eka vaprofeta va mavunwa.

Luka 6:26 Referans Kwoze

Yohane 15:19

Loko a mi ri va misava, misava a yi ta rhandza swa yona. Kambe leswi mi nga riki va misava, ni leswi ndzi mi hlawuleke eka yona, misava ya mi venga.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Mikiya 2:11

Loko ko tshuka ku humelela munhu wo jamuka ni ku hemba, a ku: ‘Ndzi ta mi dyondzisa hi ta vhinyo ni byalwa!’ munhu wo tano, mi ta n'wi tsakela ngopfu.

Esaya 30:10

Va byela vamavonakule, va ku: ‘Mi nga ha vhumbhi nchumu.’ Va byela ni vaprofeta, va ku: ‘Mi nga ha hi byeli ntiyiso, kambe hi byeleni leswi nga ta hi tsakisa, leswi hi navelaka ku twa swona ntsena;

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Varhoma 16:18

hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Swivuriso 27:21

Nsuku ni silivhere swi kamberiwa hi ndzilo, munhu ú kamberiwa hi ku duma ka yena.

Luka 6:25

Mi ni khombo n'wina mi dyaka mi xurha sweswi, hikuva mi ta twa ndlala. Mi ni khombo n'wina mi hlekaka sweswi, hikuva mi ta rila mi kolola.