Luka 6:25 - BIBELE Mahungu Lamanene

²⁵ Mi ni khombo n'wina mi dyaka mi xurha sweswi, hikuva mi ta twa ndlala. Mi ni khombo n'wina mi hlekaka sweswi, hikuva mi ta rila mi kolola.

Testamente Leyimpsha Xichangana

²⁵ Mi ni khombo n'wina mijaka mixurha svosvi, hikuva mitatwa ndlala. mi ni khombo n'wina mihlekaka svosvi, hikuva mitarila mikolola.

Xitsonga (Bibele)

²⁵ Mi ni khombo n'wina mi xurheke, hikuva mi ta va ni ndlala; mi ni khombo n'wina mi hlekaka sweswi, hikuva mi ta rila, mi va mi kolola.

Luka 6:25 Referans Kwoze

Esaya 65:13

Hikokwalaho, HOSI N'wini wa hinkwaswo ú vurisa sweswo ú ri: “Vonani, malandza ya mina ma ta dya ma xurha, kambe n'wina mi ta fa hi ndlala; malandza ya mina ma ta kuma ni swo nwa, kambe n'wina mi ta fa hi torha; malandza ya mina ma ta tsaka, kambe n'wina mi ta khomiwa hi tingana.

Yakobo 4:9

Vavisekani, mi ba nkosi, mi rila. Ku hleka ka n'wina a ku hundzuke xirilo, ku tsaka ka n'wina a ku hundzuke gome.

Swivuriso 14:13

Munhu a nga hleka, kasi mbilu ya vava, mafenya ma hela hi nhlomulo.

Nhlavutelo 3:17

U vula leswaku u xifumi, ni leswaku u humelerile, ni leswaku a wu pfumari nchumu, kasi a wu tivi leswaku u mutsandzeki, u le khombyeni, u xisiwana, u file mahlo, a wu ambalanga nchumu!

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Vaefesa 5:4

Mi nga tirhisi marito ya ku rhuketela, ni ya vuphukuphuku, ni ya mafenya, hikuva a ma laveki; tirhisani ntsena marito lama nkhensaka Xikwembu!

Luka 13:28

Enkarhini wolowo, mi ta rila mi getsela ni meno, loko mi vona Abrahama, na Isaka, na Yakobo, va tshamile eMfun'weni wa Xikwembu va ri ni vaprofeta hinkwavo, kasi n'wina mi cukumetiwile ehandle.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Luka 8:53

Kutani va n'wi hleka, hi ku tiva leswaku n'wana ú file.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Esaya 28:7

Vaprista ni vaprofeta, na vona va rhurhumela hi mhaka ya vhinyo, va dedeleka-dedeleka hi byalwa; vhinyo yi va hlanganisile nhloko, byalwa bya va dedelekisa; hikokwalaho swivono a va ha koti ku swi hlamusela, va tsandzeka ni ku avanyisa timhaka.

Esaya 9:20

va lava swakudya matlhelo hinkwawo, kambe a va kumi xo va xurhisa, kutani un'wana ni un'wana ú dya munhu-kulobye.

Esaya 8:21

Vanhu va ta pepetseka na tiko va ri ni gome lerikulu ni ndlala. Loko ndlala yi ta va yi va khomile swinene, va ta hlundzuka va rhuketela hosi ya tiko ra vona ni Xikwembu xa vona. Va ta languta ehenhla,

Eklesiasta 7:6

Mpfumawulo wa ku hleka ka xiphunta i ku baleka-baleka ka swihlahlana loko swi tshwa exitikweni: A wu vuli nchumu!

Eklesiasta 7:3

Ku twa ku vava swa antswa, ku ri na ku hlekelela; la khanyanisaka xikandza, ú komba miehleketo leyi vupfeke.

Eklesiasta 2:2

Ndzi vonile leswaku ku hlekelela i vuphunta, ntsako a wu vuyerisi nchumu.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.

Pisalema 49:19

kambe na yena ú ta fa a landza va ka vona, laha a nga ta ka a nga ha voni dyambu.

1 SAMIELE 2:5

Vanhu lava khale a va dya va xurha, sweswi va famba va tirhela vuswa; kambe lava khale a va sika, sweswi a va ha etleli na ndlala. Mhika yi veleka vana va 7, kasi loyi a a ri ni vana lavo tala, ú lo sala a ri yexe.

Luka 6:24

“Kambe mi ni khombo n'wina vafuwi, hikuva mi kumile ku chaveleriwa ka n'wina.

Luka 6:26

“Mi ni khombo n'wina loko vanhu hinkwavo va mi dzunisa, hikuva vatata wa vona va endlisile sweswo eka vaprofeta va mavunwa.