Luka 6:24 - BIBELE Mahungu Lamanene

²⁴ “Kambe mi ni khombo n'wina vafuwi, hikuva mi kumile ku chaveleriwa ka n'wina.

Testamente Leyimpsha Xichangana

²⁴ “Kambe mi ni khombo n'wina lavafuweke, hikuva se mikumile kuchaveleliwa ka n'wina.

Xitsonga (Bibele)

²⁴ “Kambe mi ni khombo n'wina vafuwi, hikuva mi vonile ku chaveleriwa ka n'wina.

Luka 6:24 Referans Kwoze

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Yakobo 2:6

Kambe n'wina mi sorisile xisiwana! Xana a hi vafuwi lava va mi tshikelelaka xana? Xana a hi vona lava va mi kokelaka etihubyeni xana?

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Hagayi 2:9

Ku dzuneka ka yindlu leya sweswi ku ta tlula ku dzuneka ka leyo sungula, ku vula mina HOSI ya matimba hinkwawo. Emutini lowu, ndzi ta simeka ku rhula loku hetisekeke evanhwini; ndzi vula sweswo, mina HOSI ya matimba hinkwawo.”

Luka 6:25

Mi ni khombo n'wina mi dyaka mi xurha sweswi, hikuva mi ta twa ndlala. Mi ni khombo n'wina mi hlekaka sweswi, hikuva mi ta rila mi kolola.