Luka 5:19 - BIBELE Mahungu Lamanene

¹⁹ Loko va nga kumi lomu va nga ta n'wi nghenisa hi kona hikwalaho ka ntshungu, va khandziya ehenhla ka yindlu, va hahlula lwangu, va n'wi nembeletela hansi exikarhi ka vanhu a ri esangwini, a vekiwa emahlweni ka Yesu.

Testamente Leyimpsha Xichangana

¹⁹ Loko vangakumi lomu vangamunghenisaka hi kona, hikolaho ka xitshungu, vakhwela henhla ka yindlo, vahahlula xihlungwe, vamuyehlisa xikarhi ka vanhu ali rihlakeni, avekiwa mahlweni ka Yesu.

Xitsonga (Bibele)

¹⁹ Kakuloko va nga kumi hilaha va nga n'wi nghenisaka hakona hikwalaho ka vunyingi, va khandziya ehenhla ka yindlu, va n'wi nembeleta exikarhi emahlweni ka Yesu, a ri emasangwini ya yena.

Luka 5:19 Referans Kwoze

Marka 2:4

Vona hi ku tsandzeka ku n'wi fikisa eka Yesu hi ku tala ka vanhu, va hahlula lwangu ra yindlu leyi a a ri ka yona. Loko va ri hahlurile, va nembeleta masangu lawa loyi a khwanyaleke swirho a etleleke ka wona.

Matewu 10:27

Leswi ndzi mi byelaka swona emunyameni, swi vuleni eku vonakaleni; ni leswi mi swi twaka swi hleveteriwa etindleveni, swi twariseni eswihlungwaneni swa tindlu.

Duteronoma 22:8

“Loko mi aka yindlu, mi fanele ku sirhelela lwangu ra yona ra xiphampha, hikuva loko mi nga endli sweswo, vanhu va nga tshuka va wa, kutani loko va fa, mi ta va ni nandzu.

Matewu 24:17

loyi a nge henhla ka lwangu, a nga tshuki a xika ku ya teka leswi nge ndlwini ya yena;

Yeremiya 19:13

Tindlu ta Yerusalema ni ta tihosi ta Yuda ti ta nyamisiwa ku fana ni ndhawu leyi ya Tofete leyi nyamisiweke hi mintsumbu, hikuva Vaisraele va khandziyile emalwangwini ya tindlu ta kona, va ya gandzela dyambu ni n'weti ni tinyeleti hi ku swi hisela mirhi ya risuna; hambi swi ri swikwembu swimbe, va swi humesele kona emagandzelo ya swakunwa.’ ”

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

1 SAMIELE 9:25

Loko va rhelela hi le xitsungeni lexo hlawuleka, va nghena emutini, kutani Samiele na Sawulo va ya xuxa elwangwini ra yindlu, va nga si ya etlela.