Luka 4:6 - BIBELE Mahungu Lamanene

⁶ “Ndzi ta ku nyika vuhosi lebyi hinkwabyo ni ku dzuneka ka byona, hikuva ndzi nyikiwile swona, kutani ndzi nyika munhu hi ku rhandza ka mina.

Testamente Leyimpsha Xichangana

⁶ “Nitakunyika vuhosi lebzi hinkwabzu ni kudzuneka ka bzona, hikuva ninyikiwile svona, kutani ninyika munhu hi kurhandza ka mina.

Xitsonga (Bibele)

⁶ “Ndzi ta ku nyika vuhosi hinkwabyo, ni ku kwetsima ka ku fuma loku, hikuva ndzi swi nyikiwile, kambe ndzi swi nyika loyi ndzi n'wi rhandzaka.

Luka 4:6 Referans Kwoze

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Yohane 14:30

A ndzi nga ha vulavuri swo tala na n'wina, hikuva mufumi wa misava leyi wa ta; kambe a nga na matimba ehenhla ka mina.

Yohane 12:31

Misava leyi sweswi ya karhi ya avanyisiwa, kutani mufumi wa misava leyi ú ta hlongoriwa sweswi.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

Nhlavutelo 13:7

Naswona, xi pfumeleriwa ku lwa ni vahlawuriwa va Xikwembu ni ku va hlula. Xi nyikiwa ni matimba ehenhla ka vanhu va tinxaka hinkwato, ni va swivongo hinkwaswo, ni va tindzimi hinkwato, ni va matiko hinkwawo.

Nhlavutelo 13:2

Xivandzana lexi ndzi xi voneke, a xi fana ni yingwe, milenge ya xona a yi fana ni ya bere, ni nomo wa xona a wu fana ni nomo wa nghala. Kutani dragona yi nyika ntamu wa yona eka xivandzana lexi, yi xi nyika ni xiluvelo xa yona ni matimba lamakulu.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,

2 Vakorinto 11:14

Kutani a swi hlamarisi, hikuva na yena Sathana, ú tiendla onge i ntsumi ya ku vonakala.

Yohane 8:44

N'wina mi huma eka tata wa n'wina, a nga Diyavulosi, kutani mi tsakela ku endla ku navela ka tata wa n'wina. A a ri mudlayi ni le ku sunguleni. A nga yimanga entiyisweni, hikuva ku hava ntiyiso eka yena. Loko a vulavula mavunwa, ú tikomba lexi a nga xona, hikuva i muhembi, ni tata wa mavunwa.

Esaya 23:9

Makungu ya kona ma endliwe hi HOSI ya matimba hinkwawo leswaku hinkwavo lava titshembaka, va lahlekeriwa hi ku saseka ka vona, ni leswaku lava xiximiwaka ematikweni hinkwawo va yisiwa ehansi.

Esaya 5:14

Xivandla xa vafi xi lote meno, xi ahlamisa swinene nomo wa xona leswaku xi ta mita varhangeri va Yerusalema ni ntshungu hinkwawo, va nghena hinkwavo va ri karhi va ba huwa va tsakile.

Estere 5:11

Hamani a va hlayela ku dzuneka ka rifuwo ra yena, ni nhlayo ya vana va yena va xinuna, ni hilaha hosi yi n'wi tlakuseke hakona matlhelo hinkwawo, ni hilaha yi n'wi vekeke hakona ehenhla ka tihosana ni malandza ya yona.

Luka 4:7

Kutani loko wena u ndzi nkhinsamela, hinkwaswo leswi swi ta va swa wena.”