Luka 24:47 - BIBELE Mahungu Lamanene

⁴⁷ Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Testamente Leyimpsha Xichangana

⁴⁷ Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

Xitsonga (Bibele)

⁴⁷ ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Luka 24:47 Referans Kwoze

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Timhaka 13:46

Kambe Pawulo na Barnaba va hlamula va nga chavi nchumu, va ku: “A swi fanela leswaku Rito ra Xikwembu ri byeriwa n'wina eku sunguleni; kambe leswi mi ri cukumetaka, ni leswi mi tiavanyisaka hi n'wexe, mi ku a mi faneriwi hi vutomi lebyi nga heriki, maswivo hina hi hundzukela eka vamatiko.

Matewu 28:19

hikokwalaho, yanani eka vamatiko hinkwavo, mi va endla vadyondzisiwa va mina, mi va khuvula hi vito ra Tatana, ni ra N'wana, ni ra Moya lowo Kwetsima,

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Matewu 3:2

a ku: “Hundzukani, hikuva Mfumo wa matilo wu le kusuhi.”

Hosiya 2:23

Ndzi ta tisimekela vanhu va mina etikweni; ndzi ta tsetselela Lo-Ruhama, kutani eka Lo-Ami, ndzi ta ku: ‘Mi vanhu va mina’, vona va ta hlamula va ku: ‘Hi wena Xikwembu xa hina!’ ”

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Genesa 12:3

Ndzi ta katekisa lava va ku katekisaka, kambe loyi a ku rhuketelaka ndzi ta n'wi rhuketela. Kutani vanhu hinkwavo laha misaveni va ta katekisiwa hikwalaho ka wena.”

1 Yohane 2:12

Ndzi tsalela n'wina, vana vanga, hikuva swidyoho swa n'wina swi rivaleriwile hikwalaho ka Kriste.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Timhaka 10:43

Hi yena loyi vaprofeta hinkwavo va vuleke vumbhoni ehenhla ka yena loko va te: ‘Un'wana ni un'wana la pfumelaka ka yena, ú ta kuma ku rivaleriwa ka swidyoho hi vito ra yena.’ ”

Timhaka 4:12

“Kutani ku ponisiwa a ku kumeki eka munhu un'wana, hikuva vanhu a va nyikiwanga vito rin'wana laha misaveni, ehandle ka vito ra Yesu, leri hi fanelaka ku ponisiwa ha rona.”

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Esaya 52:15

Kambe sweswi, ú ta hlamarisa vanhu lavo tala, tihosi ti ta pfumala lexi ti nga xi vulaka. Vanhu va ta vona leswi va nga si tshamaka va swi vona, va ta tiva ni leswi a va nga swi tivi.”

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Varhoma 5:20

Nawu wu nghenile leswaku milandzu yi andza; kambe laha ku dyoha ku andzeke kona, ndzalo ya tintswalo yi vile kona hi ku tlurisa;

Timhaka 28:28

“Loko swi ri tano, swi tiveni leswaku mahungu ya ku ponisiwa hi Xikwembu ma rhumeriwile vamatiko; vona va ta ma yingisa.” [

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Luka 13:34

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Esaya 49:22

HOSI N'wini wa hinkwaswo ú vurisa sweswo ú ri: “Vonani, ndzi ta yimisa voko ni mujeko, ndzi koweta matiko ni vanhu va wona; va ta tlakula vana va wena va xinuna va va vuyisa, va xisati vona va ta ta na vona va va bebule kunene.

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Esaya 5:4

Xana a ka ha sele yini, eka leswi a ndzi fanele ku swi endlela nsimu ya mina xana? A ndzi languterile mihandzu leyo nandziha, kutani hikwalaho ka yini yi humesile leyo bava xana?

Pisalema 67:7

Hakunene Xikwembu xi hi katekisile; hinkwako emisaveni, vanhu a va chave xona!