Luka 24:45 - BIBELE Mahungu Lamanene

⁴⁵ Kavaloko a pfula miehleketo ya yona leswaku va twisisa Matsalwa.

Testamente Leyimpsha Xichangana

⁴⁵ Hi loko avapfula miyehleketo lesvaku vatwisisa Matsalwa.

Xitsonga (Bibele)

⁴⁵ Kavaloko a pfula ku twisisa ka vona, leswaku va twisisa Matsalwa.

Luka 24:45 Referans Kwoze

Timhaka 16:14

Kutani un'wana wa vona loyi a va ku i Lidiya, muxavisi wa tinguvu to vangama ta xivunguvungu, wa muti wa Tiyatira, wansati wo chava Xikwembu, a a ri eku yingiseni; kutani Hosi yi pfula mbilu ya yena leswaku a twisisa leswi vuriwaka hi Pawulo.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Pisalema 119:18

Ndzi pfule mahlo, ndzi ta vona swihlamariso leswi nga nawini wa wena.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Luka 24:32

Kutani va byelana, va ku: “Hikwalaho ka yini timbilu ta hina ti nga pfurhanga endzeni ka hina, loko a vulavula na hina endleleni, a hi pfuletela Matsalwa xana?”

Eksoda 4:11

Hiloko HOSI Xikwembu xi ku ka Muxe: “Xana i mani la vumbeke nomo wa munhu xana? Xana a hi mina HOSI Xikwembu ndzi endlaka munhu ku va mbheveve, kumbe ku fa tindleve, kumbe ku kota ku vona, kumbe ku va lowo-fe-mahlo, xana?

Ntirho 33:16

Kutani xi va hlevetela etindleveni, xi va tsundzuxa, xi tlhela xi fungha:

Nhlavutelo 3:7

“Tsalela ni ntsumi ya kereke ya le Filadelfiya, u ku: “ ‘Loyi a kwetsimeke, la nga wa ntiyiso, la tameleke xilotlelo xa Davhida, la pfalulaka ku ri hava loyi a nga ta pfala, la pfalaka ku ri hava loyi a pfalulaka, ú vula sweswo ú ri: